"Kung makilala ko sana ang Great Sage Sun kahit isang beses lang sa hinaharap, magkakaroon na ng saysay ang buhay ko," pagninilay-nilay ni Duan Ling Tian.
Si Sun Wu Kong, The Great Sage at ang Equal of Heaven ay ang pinaka-iniibig na tauhan sa sinaunang mitolohiya ng kanyang nakaraang buhay.
"Maaaring magkaroon ng tsansa sa hinaharap," tugon ni Elder Huo, "Pero sa ngayon, masyado ka pang malayo sa lebel na iyon. Huwag ka munang masyadong mag-isip at ituon mo muna ang iyong atensyon sa iyong cultivation."
Pagkatapos ni Elder Huo sa kanyang pangungusap, wala na siyang kahit ano pang sinabi at nagtungo na para ayusing muli ang Seven Treasures Exquisite Pagoda.
Tumango si Duan Ling Tian.
Matapos niyang paliitin ang Seven Treasures Exquisite Pagoda – kasingliit ng kuko ng isang bata – kaswal lamang niya itong initsa patungo sa kanyan tainga at isinuksok sa taas ng kanal ng kanyang tainga.
