Naglakad palabas si Ye Xuan sa kaniyang silid at tumingin kay Luo Chen na nasa langit, at sa isang iglap, ang kaniyang mga mata ay kumurap nang may galit.
Magkasunod na umangat sa langit sina Duan Ling Tian at Huang Daniu, at sa isang kisapmata, dumating sila sa langit upang harapin si Luo Chen mula sa kalayuan.
"Hmm?" HIndi pa man nagkaroon ng pagkakataon sina Duan Ling Tian at Huang Daniu na magsalita nang makita nila ang isang balbas-saradong matandang lalaki na may pulang kasuotan na bumaba sa tabi ni Luo Chen, at tumitig ito sa kanila nang may malamig na mga mata.
"Isang eksperto na nasa Void Transformation Stage?!" Ang mga mata ni Duan Ling Tian ay lumaki, at isang ekspresyon ng gulat ang bumalot sa kaniyang mukha.
Si Huang Daniu ay nagpakita rin ng isang bahagyang natatakot na ekspresyon nang sabihin niya kay Duan Ling Tian na nasa tabi niya sa isang mahinang tinig, "Duan Ling Tian, mukhang tinawag ni Luo Chen ang kaniyang master."
