Ang pagsasabi sa Ye Clan na palitan ang pangalan nito ay walang dudang isang ladlad na insulto sa kanilang Ye Clan!
Sa sandaling iyon, hindi lamang si Ye Ting, pati ang lahat ng elders at mga disipulo ay nakatitig ng masama kay Chen An, ngunit dahil natatakot sila kay Chen Wei, hindi sila nangahas na gumawa ng anumang kilos.
"Little An, huwag kang sumobra! Huwag mong kalimutang hindi tayo nagtungo sa Ye Clan ngayong araw upang tuligsain sila.." Sa wakas, si Chen Wei na tahimik na nakatayo sa gilid ay iminulat ang kaniyang mga mata, at ang kaniyang matalas na mga mata ay kaagad bumagsak sa binatang nakalilang kasuotan.
"Ikaw si Duan Ling Tian?" Mababa ang tinig ni Chen Wei nang tanungin niya si Duan Ling Tian.
"Tama ka." Walang emosyong tumango si Duan Ling Tian, at kasabay nito, sinimulan niyang suriin ang binata, si Chen Wei na nasa harapan niya.
