Sa Cafeteria ng Paladin Academy.
Ang grupo ni Duan Ling Tian ay nakaupo sa mesa, at nilalagok ni Duan Ling Tian ang kaniyang pagkain na tila ang nangyari kanina ay wala lang para sa kaniya.
Sa kabilang banda, sina Xiao Yu, Xiao Xun at Tian Hu ay tila nawalan ng kanilang gana, dahil ang madugong mga eksena kanina ay tila nakikita pa rin nila at hirap pa rin silang tanggalin ito sa kanilang isipan. Tanging si Su Li lamang ang katulad ni Duan Ling Tian at hindi rin naapektuhan sa anumang paraan.
"Duan Ling Tian, masyado mong tinatago ang iyong kakayahan! Ika-siyam na antas ng Core Formation Stage, grade seven spirit weapon… Kung 'di dahil sa laban ng buhay at kamatayan niyo ni Duan Ling Xing, malamang ay wala pa rin kaming alam tungkol dito." Bumuntong hininga si Tian Hu na may mapait na ngiti sa kaniyang mukha.
