"Ikaw... Ikaw..."
Nang marinig ang mga salita ni Duan Ling Tian, nakabalik si Hong Qing sa kaniyang sarili. Mayroong takot sa kaniyang mga mata, at hindi man lang niya matapos ang kaniyang pangungusap. Desperado niyang sinubukan na hilahin ang kaniyang spirit saber nang buong lakas, ngunit napagtanto niya na ang spirit saber na nasa mga kamay ng binatang may lilang kasuotan ay parang nakadikit doon. Hindi man lang ito gumalaw ng kahit isang pulgada.
"I-Ikaw ay isang Void Transformation martial artist?" Napahingal si Hong Qing at nagtanong sa isang nanginginig na tinig. Tumitig siya kay Duan Ling Tian nang may pangamba sa kaniyang mga mata.
Hindi sinagot ni Duan Ling Tian si Hong Qing. Walang nakapansin kung kailan ngunit isang malinawag na ngiti na ang bakas sa mukha ni Duan Ling Tian nang magtanong siya, "Bakit? Akala ko ba papatayin mo ako?"
