Noong may kumalat na masamang balita kay Duan Ling Tian sa Wandering Saint Palace, may bago pang dalawang balita ang siyang kumalat sa palasyo.
"Napatay si Chen An dahil nagsabi siya ng mga bastos na bagay sa babae ng powerhouse?"
"Napatay naman si Chen Tong dahil inatake niya ang powerhouse nang hindi nakikinig sa rason kung bakit napatay ang anak niya?!"
Ang balitang ito, natural, ay nagdulot ng kaguluhan, dahil noong una, inisip ng mga tao na ang Chen family ang agrabyado. Dagdag pa roon, dahil ang Chen family ay bahagi ng Wandering Saint Palace, natural lamang na maging mapanghusga sila sa isang tagalabas na gaya ni Duan Ling Tian.
Nang kumalat ang balitang ito, halos tumigil na ang mga tao na maawa sa Chen family, subalit nagdududa pa rin sila kung totoo ang balitang ito.
"Totoo ba ito?" Marami talagang nagdududa.
Matapos ang lahat, ang dalawang piraso ng balitang ito ay kumalat agad na tila ba sinadya itong lahat.
