Ano man ang mangyari, si Duan Ling Tian pa rin ang pinakamalaking nagwagi sa Death Duel ng Palace of Death ngayon. Maliban pa sa pagpatay kay Yang Wen, nagkamit din siya ng isang milyong Contribution Points.
Sa ilalim ng nanlilisik na titig ng grupo ng Saint Land Disciples, hindi nakaligtaan ni Duan Ling Tian na kunin ang Spatial ring mula sa katawan ni Yang Wen bago umalis ng Palace of Death kasama ang Liu Brothers.
Matapos maunang umalis nina Duan Ling Tian, karamihan din ng mga Saint Land Disciples ang sunod-sunod naring lumisan.
Gayunpaman, nanlulumo ang mga ekspresyon ng mga Saint Land Disciples.
Bakit naman hindi manlulumo?
Karamihan ng mga Saint Land Disciples ay itinaya ang kanilang mga pera kay Yang Wen, malaki man o maliit. Sa huli, napatay siya ni Duan Ling Tian. Ibig sabihin din nito'y lahat ng kanilang taya ay nauwi rin sa wala.
