Sa loob ng isang palasyong napapaligiran ng walang katapusang apoy sa teritoryo ng Flame God.
"Mayroon nang lakas na katumbas ng isang hindi mapapantayang overlord ang taong si Luo Feng? Nagawa niyang patayin si Flourishing Light Horde Leader sa loob lang ng isang atake? Napakaimposible!" Nagwala at nagsisigaw si Flame Emperor habang nagliliwanag sa sobrang galit ang kanyang mga mata. Ipinanganak siyang mapagmalaki, kaya nagawa niyang ipagmalaki sa lahat na isa siyang nilalang na sinanay ni Mountain Sitting Guest.
Minaliit niya ang una niyang kinakapatid dahil dati lang itong alipin ng kanyang guro at mayroon ding mas kaunting potensyal at mga tunay na kayamanan kung ikukumpara sa kanya. Nagawa na rin niyang magasam na magkaroon ng lakas na pumapantay kay Mountain Sitting Guest o higit pa!
