Makikita sa loob ng universe scout ship ang nababagabag na paghinga ng limang pinuno ng limang naglalakihang bansa sa Earth, halatang masyadong mabilis ang eksenang naganap kanina, bigla silang binalot ng mga dahon ng cloud contact vine kaya hindi na nila nagawa pang magreact sa mga ito.
Mabilis na bumalik ang mga baging sa kanilang pinanggalingan na nagpakita sa mukha ni Luo Feng.
"Luo Feng?"
"Mr. Luo Feng?"
Mukhang gulat na gulat ang mga pinuno ng bansa habang tinitingnan ang tao sa kanilang harapan, kasunod ng saya at tuwa na kanilang naramdaman ay nagawa nilang intindihing ligtas na silang lahat. Makikita sa kanilang tabi ang mas masayang sina Xu Xin at Luo Hua, nagmadaling tumakbo si Xu Xin sa dibdib ni Luo Feng para yakapin ito ng mahigpit. "Natatakot ako, natatakot ako na baka hindi na kita makita, na hindi ko na makita sina Ping Ping at Little Hai…"
"Ligtas ka na ngayon darling," mahinang sinabi ni Luo Feng.
