"Baba na tayo. Samahan nating kumain sila mama at papa," ngumiti si Luo Feng.
"Sige kuya." Naramdaman ni Luo Hua na para bang ibang tao na siya mula noong nag-usap sila. Noong una ay punong puno ang kanyang hinaharap ng kadiliman at desperasyon at akala niya ay wala na siyang pinagkaiba kaysa sa isang patay na tao. Pero nagbago ang lahat ng ito noong makita niya ang malahimalang epekto ng elixir of life at ang napakalaking numero mula sa cellphone ng kanyang kuya na si Luo Feng. Punong puno na siya ngayon ng lakas at sigla! Itinulak ni Luo Feng ang wheelchair ng kanyang kapatid na si Luo Hua pababa sa hagdanan.
Nakaupo ang tatay niyang si Luo Hong Guo at ang nanay niyang si Gong Xin Lan sa sofa at hindi lumilikha ng kahit na anong ingay sa mga oras na ito. Malaki ang naging epekto ng mga pangyayaring ito sa mag-asawang ito kahit na isang araw pa lang ang nakalilipas.
