"Mm." Hindi inakala ng payat na babaeng magiging ganito ang reaksyon ni Ancient God Profound Devil, ngunit pumayag pa rin siya. Gamit ang kanyang Eye of Destiny, madali lang na makakuha ng impormasyon mula sa isang Ancient God na siyang hindi nanggaling sa Eight Great God Eyes.
Tumitig sa isang punto ang babae. Isang enerhiya ng Intent ang siyang dumaan sa pasikot-sikot na ilog ng tadhana. Isang sandali ang makalipas, maraming malabo at malailusyong imahe ang lumitaw sa kanyang mga mata.
"Bakit hindi ako makakita nang maayos?" Pinwersa ng nagulat na babae ang kanyang Eye of Destiny sa pinakakadulu-duluhan ng lakas nito.
Ngunit may mga lumitaw na ring makukulay na mga imahe sa kanyang mga mata na siyang sumabog nang may malaki, luma, at banal na liwanag. Sa banal na liwanag na ito, naramdaman ng babae na para bang isa lang siyang buhangin, at agad ding nanginig ang kanyang kaluluwa.
