"Susubukan mo bang labanan ako?" Mayabang na nakatayo ang babae mula sa Blazing Gold Race at tinuro ang isa sa mga miyembro ng Spiritual Race.
"True God Long Yuan!"
Ang taong pinili ng babaeng ito ay walang iba kung hindi si True God Long Yuan na siyang kagagaling lang sa isang laban.
Isang peak Rank Six expert si True God Long Yuan. Siguradong malayong-malayo ang lakas niya kumpara sa babaeng ito. Subalit nababalot na ng sugat, at napapagod na rri si True God Long Yuan. Sa estado niyang ito, wala na siyang laban sa babae.
Para sa mas ikabubuti ng sitwasyon, tinanggihan ni True God Long Yuan ang hamon at piniling mamahinga.
"Naduduwag ba ang lahat ng kalalakihan ng Spiritual Race?" Inirapan ng babae ang sampung miyembro ng Spiritual Race.
"Edi umakyat kayo at labanan ako!" Pumili na naman ang mabangis na babae ng kalaban.
"Sige!" Sa oras na tinuro ng babae si Zhang Yutong, agad itong umakyat sa entablado.
Boom!
