"Pinatay mo ang master ko!" Si Liu Qinyin ay natulala habang ang kaniyang mga mata ay nagluluha na, at siya ay puno ng kalungkutan at pagkadesperado.
Kung iisipin ang lahat ng kaniyang mga alaala, palagi niyang kasama ang kaniyang master. Para sa kaniya, ang kaniyang master ang tangi niyang pamilya; si Sacred King Samsara ay parang isang ama sa kaniya. Kahit na sinabi ng Emperor of Death na pinadala siya ni Sacred King Samsara upang ipapatay siya, hindi ito pinaniwalaan ni Liu Qinyin. Hindi niya maintindihan kung bakit iyon gagawin ng master niya.
"Nais niyang patayin tayong dalawa ikaw at ako, kaya't kinailangan ko siyang patayin!" Hindi alam ni Zhao Feng kung saan dapat siya magsimula, kaya't nagbigay lamang siya ng isang simpleng paliwanag.
