Ang eksenang ito ay nagdulot upang maramdaman ng mga elites mula sa Great Gan Lord Dynasty na tila ba nagsiluwaan ang kanilang mga mata at ang kanilang mga leeg ay sinasakal. Ang perpekto at maharlikang diyosa sa kanilang mga puso ay naging isang kasindak-sindak at misteryosong magnanakaw na mayroong luha sa kaniyang mga mata.
"Paano…? Ang magnanakaw na iyon…"
Si Jiang Chen at ang mga henyong mayroong alitan kay Zhao Feng ay lahat hindi makipagsalita. Ang Eighth Prince at si Luo Zun ay mayroong makukulay na mga ekspresyon at mayroong isang nandidiring pakiramdam na hindi nila mailarawan.
Pakiramdam nila ay natalo na naman silang muli. Nagustuhan ng Eighth Prince ang nakababatang kapatid na babae ni Luo Zun, si Luo Shui'er, subalit siya ay nakaayos na para kay Zhao Feng at nagustuhan niya siya. May gusto si Luo Zun kay Zhao Yufei, subalit ang kaniyang estado at bloodline ay masiyadong maharlika; hindi siya karapat-dapat para sa kaniya.
