Ang mga taong ito ay mas maaga pang dumating kaysa kay Zhao Feng, at alam nila kung gaano ito kahalaga. Kahit hindi nila agad nakilala ang eksaktong kasaysayan ng Purple Wind Lightning Lion na mga buto, hindi naman nila mapigilan ang kanilang mga sarili na tantsahin kung gaano kahalaga ito.
Kasama sa mga taong nagsabi sa kanya na tumigil ay ang kabataang naka-lila. Isa siyang Head Disciple at nakaabot na siya sa Half-Step King level, pero wala siya sa Imperial Genius rankings.
"Ang lahat ng andito ay makakakuha ng kanilang mga parte, at gusto ko rin ng kakaunti nito," diretsahang sabi ni Zhao Feng, at ang ugali niya ay agad na ikinagalit ng mga nasa Purple Sun Palace. Isang henyo mula sa Purple Sun Palace ang unang nakahanap nito, at gustong kunin ni Zhao Feng ang mga pinakamahahalagang materyales rito kahit wala naman siyang ginawa? Ikinagalit nila ito at ikinatawa sa parehong pagkakataon.
