Ang dalawang ito na nagmula sa Sky Sacred Qin Palace ay ipinagsama ang kanilang qin at espada at kumilos na tila ba'y humaharap sila sa isang malaking kalaban, subalit ang kalamigan ng Kamatayan ay nagdulot ng pagyeyelo sa kanilang mga paa. Bago pa man magsimula ang laban, pakiramdam nila ay hindi nila kayang kontrolin ang kanilang buhay.
"Zhao Feng, totoo ngang ikaw ay nasa Sky Sacred Qin Palace," ang boses ng Emperor of Death ay wari'y nanggagaling sa kahit saang direksyon, at ang Langit at Lupa rin ay dumilim.
Boom!
Isang daluyong ng Magnificent Power of Death ang bumalot sa kalangitan at ito'y nakipagsalpukan sa qin at espada ng dalawa. Ang hangin sa itaas ng Qin Palace ay nagsimulang yumanig, ang protective array ay nanginig at mabilis na dumilim.
"Harangan niyo ito!"
"Hindi ito mabuti, kapag nasira ang array, ang Qin Palace ay tuluyang mawawasak."
Sa kritikal na oras na ito, halos sampung libong miyembro ng Qin Palace ang muling nagpatibay sa array.
Mayroong dose-dosenang Sovereigns at mayroong ilang daan ang nasa True Spirit Realm.
Ang mga piling tao ng buong sekta ay ibinuhos ang kanilang lakas para sa array. Sa kadahilanang napakaraming tao at ang array ay talagang napakatindi, maaari itong maging True Force at True Yuan.
Weng~~
Hindi nasira ang protective array, ngunit sa kabilang banda, ang kombinasyon ng qin at espada ay madaling nawasak ng Emperor of Death. Ang dalawang taong ito ay nayanig at muntik nang mapadura ng dugo, at iyon ay dahil sa katotohanan na ang dalawa ay magaling sa pakikipagtulungan ng magkasama at nagbabahagian sa pinsalang kanilang natatamo.
Sa itaas nito, ang Emperor of Death ay hindi man lamang tumingin ng diretso sa kanila. Isang kaswal na radyasyon lamang ng kanyang kapangyarihan ang nakatalo sa dalawa. Ang kanyang Divine Sense ay nagsusuri sa Sky Sacred Qin Place na tila ba may kung anong hinahanap. Matapos nito ay nabaling ang kanyang tingin sa lokasyon ni Zhao Feng.
"Hmm?" Ang Emperor of Death ay nagpakita ng isang kakaibang ekspresyon. Tila ba sinusubukan ni Zhao Feng na buuin ang Intent of an Emperor, at ang kanyang puso ay nayanig-paano siya naging ganoon kabilis?
Ang pagsilang sa kahit na sinong Emperor ay nangangailangan ng mabuting kapalaran, suwerte at pagtitiyaga. Kailangan nilang dumaan sa maraming yugto ng kanilang buhay. Kahit pa sinusubukang buuin ni Zhao Feng ang Emperor Intent at hindi ang maging isang matagumpay na Emperor, ang matagumpay na pagbuo sa Emperor Intent ay nangangahulugang hindi na magkakaroon ng hadlang sa kanyang paglilinang.
"Hehe, Zhao Feng, kahit pa mabuo mo ang Emperor Intent, hindi mo ako mapapantayan. Kung sabagay, hindi ko hahayaang maging matagumpay ka," humalakhak ang Emperor of Death at mistulang lumikha ng malamig na hangin ng Kamatayan, at matapos niyang magsalita, isang Intent of Death ang nagtungo sa lokasyon ni Zhao Feng.
Ang Emperor Intent na ito ay naglalaman ng mga batas ng Kamatayan at maaaring makawasak ng kaluluwa ng mga normal King, o ang mas mababa rito, maaari silang bigyan nito ng matinding pinsala.
"Huwag mo nang isipin pa ito!" Ang dalawa ay ipinagsama ang kanilang King Intent at humarang sa harap ng gusali. Ang kombinasyon ng Intent ng dalawang Domain-level Kings ay bahagyang nadaig ang Peak-tier Kings, at ang kanilang kombinasyon ng Intent ay mahusay rin sa depensa.
"Interesante," ang batang Demigod ay humakbang palabas, at ang kanyang Demigod Intent ay tumira sa hangin at natamaan ang Emperor of Death's Intent.
Bam~~~~!
Ang tatlong Intents ay nagsalpukan kasama ang Intent of Death at nakabuo ng isang tsunami sa dimensyon ng mga kaluluwa.
Kahit pa ang Intent ay nagmula sa mental na enerhiya, naglalaman pa rin ito ng pag-intindi at pag-unawa sa mga nagmamay-ari sa kanila at kayang sumira ng mga bagay sa reyalidad.
Wah!
Ang katawan ng batang Demigod ay nanginig nang may tumulong dugo mula sa kanyang bibig. Siya ay aktibong inatake; sa gayon, malaki ang natamo niyang pinsala.
Ang mukha ng dalawa ay mistulang naging kulay pula at puti. Malinaw na sila ay nagtamo ng pinsala, at ito ay dahil magkabahagi sila sa pinsalang kanilang nakukuha at halos lahat naman ng puwersa ay natanggap ng batang Demigod.
"Isang napakalaking Intent… alin ka sa mga nabuhay na Sacred Lord?" Ang Emperor of Death ay tumitig sa batang Demigod. Sa labanang naganap ngayon lamang, ang batang Demigod ay gumamit ng malalim na kaparaanan upang mabuwag ang Intent of Death. Ang mas nakatatakot pa, ginamit ng batang Demigod ang kanyang Sacred Body upang ito ang makatanggap ng mga pinsala.
"Kailangan nating dayain ang Emperor of Death!"
"Ang tangi lamang nating pag-asa ay kapag matagumpay nang nabuo ni Zhao Feng ang Emperor Intent."
Ang dalawa ay tumingin sa isa't isa at humingang malalim. Wala nang patutunguhan pa kung sisisihin si Zhao Feng. Dagdag pa, ang lakas ng batang Demigod ay nakapagdaig sa kanilang mga imahinasyon. Ang kanyang kapangyarihan ay nagsanhi upang sila ay maghinala kung ang nabuhay na Sacred Lord na ito ay may kakayahang labanan ang Emperor of Death.
"Sacred Lord, Hmph! Noong ako'y lumilibot sa kalangitan, hindi ka pa isinisilang," nagmamalaking sabi ng batang Demigod habang pinupunasan ang dugo sa kanyang bibig, subalit ang kapangyarihan ng Emperor of Death ay tumulong sa kanya upang maging maingat. Kung hindi rin siya nakipagtulungan, tiyak na hindi rin siya mabubuhay pa. Kailangang aminin ng batang Demigod na siya ay walang pagkakataon na magwagi laban sa Emperor of Death kung hindi niya pa napagtatagumpayan ang Mystic Light Realm.
"Emperor of Death, hindi mo ako mapipigilan sa pagbuo ng Emperor Intent," isang kalmadong boses ang nagsalita mula sa loob ng isang gusali at ito ay pinalilibutan ng makapangyarihang Intent.
Zhao Feng!
Ang dalawa ay nagpakita nang lubos na galak na ekspresyon. Ang boses ni Zhao Feng ay nagbigay sa kanila ng kalmadong epekto.
"Nakakatawa! Hindi ko pa ginagamit ang aking totoong lakas," ang Emperor of Death ay malamig na humagikhik.
Kahit pa iyon ay sinabi niya, ang Emperor of Death ay nakaramdam na rin ng bahagyang pagkagipit. Hindi siya natatakot, ngunit kung sakaling mabuo na ni Zhao Feng ang Emperor Intent, mas mahihirapan siyang patayin ito.
"Humayo ka!" Si Zhao Feng ay umatungal habang kanyang inihatid ang Intent patungo sa Emperor of Death. Ang kidlat ay tila ba galit na patungo sa dimensyon ng mga kaluluwa.
"Ang aura na ito…!" Ang Emperor of Death ay nakaramdam ng maliit at katiting na hindi madaling aura. Ang Intent ni Zhao Feng ay nakapipinsalang klase ng Intent, at malapit na sa Intent ng Emperor. Malapit na rin niyang maisama rito ang God Tribulation Lightning.
"Hmph!" Ang Emperor of Death ay tumawa nang walang bahala habang ang kanyang Intent ay naging isang itim na dragon at nagtungo patungo kay Zhao Feng.
Boom! Boom! Bam!
Ang batang Demigod at ang dalawa ay madaling napaatras.
"Kahit pa ang kanyang Emperor of Intent ay naglalaman ng mga nakanginginig na kapamaraanan ng Kamatayan. Ang kadalubhasaan ng Emperor of Death sa mga kaluluwa ay tumungtong na sa napakatinding lebel…." Naguguluhan na ang isip ng batang Demigod.
Tanging ang Intent lamang ni Zhao Feng, na naglalaman ng kapangyarihan ng God Tribulation Lightning ang may kakayahang lumaban paharap sa Intent ng Emperor of Death.
Siii~~
Biglang lumitaw ang itim na usok nang magsalpukan ang dalawang Intents, at napaatungal si Zhao Feng nang mawasak ang kanyang Intent.
"Scythe of Death!"
Ang usok sa paligid ng Emperor of Death ay nagsimulang yumanig habang ang isang itim na karit ay biglang lumitaw sa kanyang kamay. Tila ba ito ay may kapangyarihan na paghiwalayin ang Langit at Lupa.
Sa oras na ito, sa halip na gamitin ang Emperor Intent ay mas pinili na lang niyang gamitin ang mga kaparaanan niya sa pakikipaglaban. Hindi dahil ang Emperor of Death ay walang pagkakataon na manalo, kundi napagtanto niya lamang na sa paggamit ng Emperor Intent, ang Intent ni Zhao Feng ay mas lalong magiging malakas.
"Napagtanto niya na…." Naging mabagsik ang ekspresyon ni Zhao Feng. Kung babalikan ang Demigod Forgotten Garden, ginamit niya ang Mermaid King upang mabuo ang King Intent.
Crack!
Ang protective array ng Sky Sacred Place ay nagsimulang yumanig, at ang nakatatakot na kapangyarihan ng Scythe of Death ay lumiwanag sa hangin.
"Hindi ito maganda!"
Napilitan ang dalawa na umurong, at ang kanilang spatial domains ay nabalutan ng aura ng Scythe of Death.
Heaven Sealing Eighteen Palms!
Ang batang Demigod ay umatake at naghatid ng mga makikislap na golden palms sa kalangitan na limitado sa Emperor of Death. Gayunpaman, kahit noon, ang dalawa ay nagtamo na ng pinsala, at ito ay dahil ang Emperor of Death ay nakatuon lamang kay Zhao Feng.
Kailangang mapigilan ng Emperor of Death si Zhao Feng, subalit ang Heaven Sealing Palm ng batang Demigod ay nilimitahan ang kanyang mga atake.
"Arggh!" Ang ilang mga eksperto sa loob ng array ay nahawakan ng kapangyarihan ng Kamatayan kaya't sila ay naging lusak ng itim na tubig.
Mabilis na nilaslas ng Emperor of Death ang kanyang Scythe of Death sa paligid at lumikha ng mga atake na hanggang isang daang milya ang layo. Ang batang Demigod, ang dalawa, si Zhao Feng, at ang buong Sky Qin Sacred Palace ay abot ng atake. Maaaring sabihin na nadaig niya ang buong sekta na two-star at single-handedly, kabilang si Zhao Feng at ang batang Demigod.
Tila ba ang dalawa at ang batang Demigod ay hindi na kayang magtagal pa, at ang lahat ng bagay na nasa loob ng isang libong milya ay napalilibutan ng aura ng Kamatayan na wari'y nakatira sa impyerno. Mayroong mga disipolong namamatay kada segundo.
"Hindi ko hahayaan na harapin ng Sky Qin Sacred Place ang kapahamakang ito," marahang tumayo si Zhao Feng habang ang kanyang mata at buhok ay naging kulay lila. Ang bola ng Purple Illusion God Lightning ay mistulang lumitaw sa kanyang mga mata habang siya ay nakatitig sa Emperor of Death.
"Voice Space Eye Slash!"
Isang kakaibang kaguluhan ang bumalot sa lugar kung saan nakatayo ang Emperor of Death. Ang God's Spiritual Eye ni Zhao Feng ay tuluyan nang napako sa Emperor of Death.
Heaven Sealing Eighteen Palms!
Tinulungan at nilimitahan din ng batang Demigod ang Emperor of Death.
"Walang kwentang pandaraya!" Nakatayo pa rin ang Emperor of Death at hinayaan ang patalim na scarlet-colored ang tumagos sa kanyang katawan.
Shu~~
Ang Emperor of Death ay nanatili pa ring hindi gumagalaw. Ito ay tila ba isang estatwa.
"Iyan ay ang Immortal Death Body. Ang kanyang katawan ay isang buhay na bangkay. Ayon sa mga teorya, walang sinuman ang maaaring makasakit sa kanya, kahit pa saktan ang kanyang laman-loob," ang batang Demigod ay nagkaroon ng malamig na paghinga.
Ang Immortal Death Body ay isang walang kamatayang kapamaraanan. Kahit pa hindi naman ito nagbibigay ng kalakasang pisikal, nagbibigay naman ito ng kakayahang mabuhay nang matagal. Sa madaling salita, makikita ng iba ang Emperor of Death bilang isang makapangyarihan, at walang kamatayang bangkay.
"Ang Void Space Eye Slash ay sumalungat," hindi na nabigla si Zhao Feng. Marami na siyang alam na impormasyon patungkol sa Emperor of Death na mula sa Duanmu Qing.
Kadalasan, kapag nahihirapan silang kalabanin ang pisikal na katawan, tinitingnan nila ang kaluluwa nito. Gayunpaman, ang problema nila ay ang kadalubhasaan sa mga kaluluwa ng Emperor of Death ay ang isa sa pinakamagaling sa Cang Ocean. Ito ang kapangyarihan ng kanyang Eye of Death, at ito rin ang dahilan kung bakit siya ang nasa rurok ng mga Emperors.
"Hahaha…. Mauuna ko muna kayong patayin," ang Emperor of Death ay humalakhak nang mahaba at umaalingawngaw ito sa kalangitan. Matagumpay na niyang napigilan ang pagbuo ni Zhao Feng sa Emperor Intent at nagsimula nang matuon ang kanyang atensyon sa dalawa at sa batang Demigod. Sisimulan niya munang patayin ang mga langaw na ito, at aalagaan si Zhao Feng upang manakaw ang mga mata nito.
Pinaikot niya ang Scythe of Death sa dalawa.
Crack!
Sinira ng scythe ang lahat ng nasa kanyang daraanan at hinati ang mga pandepensa ng dalawa. Ang mag-asawang lalaki at babae ay napatili habang ang Scythe of Death ay nagtungo sa kanila - isa sa kanila ang maaaring mamatay.