Ang 4th Sky ay may higit na ipinagkaiba sa 3rd. Nararamdaman ni Zhao Feng ang enerhiyang nasa paligid niya na siyang nagpapalakas sa kanya. Kahit hindi niya naman ito direktang nahihigop, kaya niya pa rin itong gamitin sa pamamagitan ng cultivating.
Kapag naabot ng isang tao ang ganitong antas, ang tawag rito ay 'Xiantian'.
"Kapag ang mga martial artists ay nakaabot ng Ascended Realm, mas naghahanap sila ng mga pagbabago at ng Dao."
Unti-unti nang nauunawaan ni Zhao Feng.
Ang pagiging martial artist ay isa lamang sa mga titulo ng pagiging cultivator. Mayroon ring mga tinatawag na Blood Corpse Protector, na siyang pinag-isa ang kanyang sarili sa mga bangkay. Ito ang tinatawag na Corpse Dao.
Ang nakatalukbong na anyo sa Cloud Forest, na siyang kumokontrol ng isang hukbo ng mga halimaw para atakihin ang Guanjun Province City, ay isa misteryoso rin ang pinagmulan. Sa mundong ito, iba't iba ang cultivation techniques at skills.
Ang pagiging martial artist ay isa sa pinakanormal at pinakamadali na maging, pero sa parehong pagkakataon, sila rin ang pinakamarami.
Matapos maabot ang 4th Sky ng Ascended Realm, muling nagcultivate si Zhao Feng sa loob ng dalawa pang araw para ayusin ang kanyang realm at i-organisa ang kanyang mga kakayahan sa kanyang kaliwang mata. Kasama na rito ang Peak Tier Mortal Skills pati na rin ang mga Spiritual Tier Skills!
Nakatingin lamang si Zhao Feng sa kanila upang makalipon pa ng kaalaman. Ang kanyang core skill study ay ang Lightning Houses pa rin. Naglalaman ito ng lahat – opensa, depensa, paggalaw at mga sikretong techniques. Kung kaya, hindi na kailangan pa ni Zhao Feng na magsanay ng iba pang skills.
Matapos ang dalawang araw.
Hu~
Nagpakawala ng hininga si Zhao Feng at saka umalis sa gusali. Sa pagkakataong iyon, may naramdaman siyang enerhiya sa malapit.
"Si Lin Fay ay umangat na rin?"
Napatingin si Zhao Feng sa isang direksyon. Matapos niyang marating ang 4th Sky ng Ascended Realm, ang kanyang pandama ay higit na naging matalas.
Nang umangat na ang antas ni Lin Fan, maraming mga inner disciples ang nagtungo sa kanya para batiin siya. Kasama na rito si Prinsesa Yun Mengxiang, Xu Ren, Xiao Sun at ang iba pa. Kapag nakaabot na ang isang inner disciple ng 4th Sky, magkakaroon na sila ng pagkakataon para maging isang Core disciple.
Matagal nang nasa Clan si Lin Fan kung kaya marami na rin siyang kaibigan na pumunta para ipagdiwang ang naganap. Tumawa si Zhao Feng at saka naglakad patungo sa gusali ni Lin Fan.
Sa loob ng balkonahe.
"Binabati kita Kapatid na Lin sa iyong pag-angat sa 4th Sky. Mukhang hindi na talaga malayo na maging isang Core disciple ka."
"Kapatid na Lin, isa ka nga talagang dragon na naninirahan kasama ng mga tao. Kapag nakalipad ka na, huwag mo kaming kalilimutan ah."
May kabuuang sampung inner disciples ang magalang at masayang nagsabi.
Mula sa karamihan, si Yun Mengxiang, Xiao Sun at Xu Ren ang may kakaibang mga ekspresyon sa mukha.
Hindi binigyang tingin nila Yun Mengxiang at Xiao Sun si Lin Fan sapagkat katamtaman lang naman ang talento nito. Ngunit, pagkatapos ng trial na ito, mula sa pagiging isang payak na isda ay naging dragon ito at yumapak sa nakatataas na uri ng mga disipulo.
Nakakaaawa na si Lin Fan sa dami ng mga taong pumapalibot sa kanya. Kaaabot lamang niya ng 4th Sky at kailangan niyang pang ayusin ang kanyang cultivation, preo ang mga taong ito ay agad na nagkumpulan at binati siya.
"Noong maging 4th Sky na si Zhao Feng, bakit hindi niyo siya binati?" Malamig ang tawa ni Lin Fan sa kanyang puso.
Naabot ni Zhao Feng ang 4th Sky dalawang araw na ang nakararaan, pero wala man lang sumubok na guluhin siya. Kahit ang Head Disciple na si Yang Gan ay sumaglit lamang at umalis kaagad.
Ngayon.
Si Zhao Feng ay isang nilalang na nagdadala ng kalamidad saan man siya magpunta. Nakakaloko na nga ang kanyang pagsanay sa Lightning Wind Palm at nagawa niya ring linlangin ang mga Core disciples.
Ipinahiya niya ang mga Core disciples sa Central Division sa harap ng Regulation Elder. Ngunit, kahit sino ay walang magawa sa kanya.
Sa mga core disciples, andyan si Yang Gan sa likod niya para tulungan siya. Sa buong Clan, si First Elder pa ang kanyang Master.
Habang iniisip si Zhao Feng, halo-halo ang nararamdaman ni Lin Fan, may pasasalamat, may paggalang at higit sa lahat, kuryosidad.
"Kapatid na Lin." Isang pamilyar na boses ang maririnig mula sa balkonahe.
Isa na namang tao ang dumating para batiin si Lin Fan. Sa una, marami ang walang pakialam pero nang makita nila ang anyo, humigpit ang kanilang mga puso.
Isa itong kabataan na may takip ang kabilang mata at may asul na buhok na siyang nagdala ng pagkagulat sa lahat ng naroroon pagkapasok niya.
Agad na nagbago ang ekspresyon ng mukha nila Yun Mengxiang at Xiao Sun.
"Kapatid na Zhao!" Agad na lumapit si Lin Fan para batiin ang bagong dating nang may tuwa.
"Zhao Feng!"
Biglang napuno ng tensyon ang paligid nang mag-iba ang eskpresyon ng lahat. Agad na naging maingat ang mga inner disciples na ito at binati si Zhao Feng nang may ngiti sa kanilang labi.
"En."
Tumango si Zhao Feng at saka binati rin ang iilang mga pamilyar na tao sa kanya.
Ikinagulat ito ng lahat ng mga iba pang disipulo na naroroon: "Mukha mang nakasisindak si Zhao Feng, pero ang kanyang pag-uugali ay hindi naman kasing sama gaya ng nasa mga usap-usapan."
Nakaramdam agad sila ng luho nang tumango si Zhao Feng sa kanila pabalik. Sa mga usap-usapan, isa siyang brutal at salbaheng tao na pinatilapon ang karamihan sa mga Core disciples dahil gusto niya lang.
"Napakahusay ng ating Kapatid na Zhao sa trial. Kahit sinong gusto niyang tanggalin sa kanyang paningin ay maaaring mawala."
"Walang kahit sino ang makakalaban kay Zhao Feng sa Floating Crest Trial."
Nagsimulang purihin ng mga inner disciples si Zhao Feng at marami ang nagparamdam na handa silang maging tagapagsunod nito.
Kung tatanungin lang kung sino ang hindi dapat ginagalit o iniinis, si Zhao Feng iyon. Kung may magiging tagapagsunod si Zhao Feng, hindi ba ibig sabihin noon susundin nila ano man ang gustuhin niyang ipagawa?
Kakaiba ang mukha ni Zhao Feng habang umiiling siya. Wala siyang kahit anong intensyon na kumuha ng mga tagapagsunod.
"Kapatid na Zhao, naabot mo na ang 4th Sky at napalakas mo na rin ang pundasyon ng itong kapangyarihan. Hahamunin mo na ba ang mga Core disciples?" Biglaang pagtatanoong ni Lin Fan.
Hamunin ang mga Core disciples!?
Umigting ang tensyon sa mukha nga mga inner disciples.
Ang mga core disciples ay isang buong tier na mas mataas kaysa sa mga inner disciples, katulad ng agwat ng mga inner disciples sa outer disciples.
"Kung hindi mo iyan tinanong, makakalimutan ko na sana."
Kumamot ng ulo si Zhao Feng. Bigla niyang naalala ang pangako niya sa First Elder na makakaabot siya sa top five ng Core disciples at makakapasok siya sa Three Clan Party.
Kapag nakaabot lamang si Zhao Feng sa top five saka siya mabibigyan ng pagkakataon para maihalal ng First Elder sa Three Clan Party. Ito ang pinakamababang pamantayan para makapasok siya!
Sila ang kakatawan sa buong Broken Moon Clan sa Three Clan Party. Nang marinig na talagang hahamunin ni Zhao Feng ang mga Core disciples, ang mga kasalukuyang naroroon na inner disciples ay natuwa.
Ang ayos at pagkakasunod-sunod ng mga Core disciples ay lubhang nagbabago sa paglipas ng oras.
Lahat-lahat ng ito ay dahil sa Floating Crest Trial. Lahat ng mga sumali rito ay nagkaroon ng higit na mataas na cultivation.
Si Yang Gan, Bei Moi, Quan Chen at Ran Xiaoyuan ang siyang sumira sa buong ranking ng mga Core disciples.
Si Yang Gan ang nasa una, ang Head disciple. Si Bei Moi ang nasa ikalawa ng mga Core disciples. Si Quan Chen at Ran Xiaoyuan naman ang umookupa sa ikalima at ikanim na mga puwesto.
Ikinagulantang ito ng lahat ng mga inner disciples.
Nang marinig ang balitang ito, hindi mapigilan ni Zhao Feng na ikurok ang kanyang dila. Hindi niya agad napagtanto na siya ang paruparo na siyang bumabayo ng hangin.
Kung hindi dahil sa kanya, hindi lahat ay makakapasa sa ikalawang pagsubok. Kung hindi rin dahil sa kanya, ang Sky Boundary Island ay hindi magiging isang isla ng yelo…
"Tama iyan, ang patimpalak na ito ay hindi pa naging ganito katindi sa mga inner disciples." Bumuntong hininga si Lin Fan.
Hanggang sa ngayon, ang mga disipulo na sumali sa trial ay dapat makakuha na ng kanilang rankings at dapat mapagdesisyunan na rin kung sino ang mga core disciples. Ngunit, marami ang nakapagtanto na ang ranking ng mga core disciples ay matagal nang tapos.
Ito ay dahil sa ang isang nakasisindak na anyo ay hindi pa kumikilos. At ang taong ito ay si Zhao Feng!
Ang nasa unang puwesto ng trial, ang kauna-unahang tao na sumira ng sampung libong taon na kasaysayan. Hindi pa siya gumagawa ng kanyang kilos. Pero ngayon, nakatayo siya sa kanilang harap at handa na siyang hamunin ang mga Core disciples.
Bakit naman hindi sila magiging masaya? Magbabago kaya ang rankings?
Pero may iilan na hindi naniniwala. Para sa kanila, tsamba lamang at swerte kung bakit nanguna si Zhao Feng sa trial. Dagdag pa, hindi nakatanggap ng kahit anong pamana si Zhao Feng, kung kaya wala siyang kahit anong kapangyarihan o karanasan kumpara sa mga mas matatandang core disciples.
"Kapatid na Zhao!"
Mula sa labas, isang boses na dominante ang nangibabaw. Kasama ng tunog ay isang napakalakas na aura.
Ang mga inner disciples na nasa loob ay hindi halos makahinga.
Pagkatapos makita kung sino ang dumating, nagulantang sila: "Yang Gan!"
Bilang Head Disciple, walang duda na si Yang Gan ang pinuno ng henerasyon ng mga kabataan.
Hindi na kaya ng mga inner disciples ang nararamdaman nilang pagkahanga, si Yang Gan ay naririto rin kasama nila, isang Head Disciple at disipulo ng First Elder.
Ngunit, walang kahit sino ang nag-isip na pupunta rito si Yang Gan para makita sila kaya batiin si Lin Fan. Ito ay dahil sa wala silang kakayahan o kaya karapatan na ipagawa ito sa kanya.
"Kapatid na Yang." Lumabas si Zhao Feng sa balkonahe.
"Kapatid na Zhao, pinapasabi ni Master na sabihin ko na raw sa'yo na pumasok ka nasa top five core disciples sa madaling panahon." Agad na sinabi ni Yang Gan kay Zhao Feng ang rason kung bakit siya pumunta.
Sa mga normal na sitwasyon, hindi talaga kinakausap o pinupuntahan ni Yang Gan si Zhao Feng. Kahit pa pareho silang disipulo ng First Elder, ang kanilang relasyon ay nasa pagitan ng maganda at hindi.
Ang gusto ni Yang Gan ay perpeksyon at kahit pa ayaw niya kay Zhao Feng, poprotektahan niya pa rin ito dahil parehas sila ng Master. Pero, ang nakababata na ito ay muling nilagpasan na naman ang mga inaasahan niya mula rito.
Lalo na sa Floating Crest Trial, nanguna si Zhao Feng kung kaya naging hindi siya kumportable rito at bahagyang nainggit.
"Inaasahan ko na sabihin sana ng aking Kapatid na si Yang kay Master na naabot ko na ang top five core disciples at hindi niya kailangang mag-alala." Ngumiti si Zhao Feng pagkasabi nito.
Nauunawaan niya namang naghahanda ang kanyang Master na ihalal siya para sa Three Clan Party pero muntikan niya na itong makalimutan.
Nang marinig ito, napataas ang kilay ni Yang Gan: Saan naman nanggagaling ang kumpiyansa ni Zhao Feng? Hindi pa nga siya nagsisimulang kumilos at gusto niya nang ipasabi na napagtagumpayan niya na ito.
Hindi ba nangangahulugan na nagsisinungaling siya sa Master?
Hindi pwede! Sasabihin ko sa Master na dapat ayusin ang aroganteng pag-uugali ni Zhao Feng.
"Sige lang, ito talaga ang eksaktong sasabihin ko sa kanya." Tumawa si Yang Gan at saka lumiko at nagtungo sa kaliwa.
Ito ang gusto niyang gawin at ginawa niya nga talaga.
"T*** i**, hindi man lang ako bibigyan ng mukha ni Yang Gan. Hindi, kailangan kong makapasok sa top five bago sila magkita ng Master." Humigpit ang ekpresyon ni Zhao Feng.
Shua!
Isang tunog ng kidlat ang naging labing-imahe ni Zhao Feng nang bigla siyang maglaho.
Anong klase ng movement skill ito?
Lahat ng naroroon ay malamig ang naging hininga.