Nang makaabot sila sa Collapsed Earth, hindi inakala ni Marvin na sa tatlong God na kasama ng dalawang Great God, may isang mayroon matinding galit sa kanya.
Malinaw na sumama ito para maghiganti.
At dahil nagpunta sila gamit ang kanilang pangunahing katawan, masasabing kampante ang mga ito.
Ito ang Elemantal Plane of Earth. Kahit na limitado ang mga Divine Spell ditto dahil sa mga Law ditto, hindi naman ito gaanong nakaka-apekto sa kanilang lakas.
Sa wakas ay maipaghihiganti na ang mga Divine Servant at mga Apostle na namatay sa mga kamay ni Marvin.
At idagdag pa na hawak pa ni Marvin ang Fate Tablet.
Kaya naman, noong pumuli ang dalawang Great God ng mga God na sasama sa kanila, ginawa ng mga ito ang lahat para lang mapasama sila. Sa wakas, nakakuha na sila ng pagkakataon na makaharap si Marvin sa harap ng daan papasok ng Collapsed Earth.
Ang Dream God!
Magmula noong tinanggihan ni Marvin ang alok sa kanya ni Ambella, nagkaroon na ito ng galit kay Marvin! Lalo na noong namatay ang kanyang First Divine Servant na ipinagmamalaki niya. Matinding galit ang dala nito, at sa tatling God na naroon, ang Dream God ang pinakanakakatakot.
Isa itong High God, at tinuturing itong isa sa pinakamalalakas sa mga High God at pumapangalawa lang sa mga Great God.
Habang ang dalawang Mid God naman na naroon ay pamilyar rin kay Marvin.
Ang Black Dragon God at ang Queen of Spiders.
Mayroong napakatindin alitan sa pagitan ni Marvin at ng Black Dragon God!
Nagsimula ito noong pinatay ni Marvin ang Apostle ng Black Dragon God na namuno sa hukbo ng Underdark para atakihin ang Rocky Mountain. Nasunan naman ito noong pinatay ni Marvin ang mga natitirang Black Dragon sa Feinan. Lalo pa at ang Black Dragon God ay isang maswerteng Black Dragon na nagmula sa 3rd Era. Hindi siya naniniwala sa Dragon God Hartson o Sa Evil Dragon Tidomas. Sa halip, pinili nitong maging isa ring God noong nag-ascend ito. Noong mga nakaraang taon, nagsikap ito para matipon ang pwersa ng mga Black Dragon ng Feinan, pero bago pa man mabuo ang pwersang ito, tinapos na ito ng Dragon Slaying Spear!
Sa laban sa Deep River, pinadala rin nito ang kanyang Martyr, isa sa mga bagay na kakaunting God lang ang mayroon, para lang patayin si Marvin. Pero hindi niya inakalang gagamitin ni Marvin ang isang Crypt Monster para lumaban at winasak pa nito ang kanyang Secondary Plane!
Malaki na ang nawala sa Black Dragon God at halos muntik na itong maging isang Low God!
Siya ang may pinakamalaking galit sa kanilang tatlo.
At ang panghuli naman, ang Queen of Spiders, sa katunayan ay bibihirang makasalamuha ni Marvin ito sa dati niyang buhay. Subalit, alam niyang napakasama ng Goddess na ito. Nakipagsabwatan ito sa Twin Goddess para atakihin ang Three Fate Sisters. At dahil sa ginawa ni Marvin sa Eternal Frozen Spring, malaking dagok ito sa mga plano ng Queen of Spiders.
Nagsama-sama ang tatlong God na ito, at kahit na ang dalawang Great God ay nililibang ng Eternal Time Dragon, naniniwala ang mga ito na mapapatay nila si Marvin!
Eh ano naman kung nagkaroon ito ng False Ascension?! Sa huli, isa pa rin itong mortal. Hindi nila pinaniniwalaan ang Truth Goddess at ang Moon Goddess. Para sa kanila, basta hindi pa tunay na nag-aascend si Marvin, kayang-kaya nilang talunin ito!
Hindi alam ni Marvin kung bakit masyadong kampante ang tatlong ito na matatalo siya. Marahil minamaliit siya ng mga ito o di kaya ay nabulag na sila ng kanilang galit.
Nakalimutan na nila kung gaano kalakas ang mga Plane Guardian ng Feinan!
Hindi rin nila naisip na may matinding kahulugan ang pagpapakita ni Marvin nang mag-isa.
Sa halip, natuwa pa ang mga ito!
At dahil wala pa ang dalawang Great God, makukuha nila ang lahat ng benepisyo!
Kapag napatay na nila si Marvin, mag-iisip sila ng paraan para makuha ang Fate Tablet at magtutulungan sila para hanapin ang Book of Nalu. Aangkinin nila ang kapangyarihan ng Fate Tablet bago pa malaman ito ng ibang mga God ng Astral Sea. Maaari rin niyang traydurin ang isa't isa para masarili nila ang Fate Tablet!
Lalo pa at isa sa mga dahilan kung bakit nila winasak ang Universe Magic Pool ay dahil sa 4th Fate Tablet, ang bagay na pinaghirapan nila ay nasa loob ng katawan ni Marvin.
Kaya naman, tiningnan nila si Marvin nang may matinding pagnanasa.
Para silang tatlong gutom na leon na nakatingin sa isang sariwang piraso ng karne.
Noong mga oras na iyon, nawala na ang dignidad nila bilang mga God. Malinaw kay Marvin na puno ng pagnanasa at kabagsikan ang mga ito.
'Ganito na ba kababa ang God Realms?' Isip-isip ni Marvin, pero hindi naman naging kampante ang kanyang pagkilos.
"Burst!"
Sa isang iglap, binutas niya ang katawan ng Black Dragon God!
Hindi na nakagalaw ang Black Dragon God at bigla na lang siyang nasaksak ng maalim na Sodom Blades!
Namutla naman ang dalawa pang God.
Pambihira ang bilis ni Marvin!
Hindi na ito maituturing na Post-Godly Dexterity. Nakita na nila ang Shadow Prince na kumilos na kasing bilis ng kidlat, pero, mas matinding tensyon ang naramdaman nila sa bilis na ipinakita ni Marvin!
Hindi siya nalimitahan ng mga Divine Law!
Sa harap ng lakas na taglay ni Marvin, tila naging mga pangkaraniwang mortal na lang sila.
Sa talim ng Sodom Blades, wala na silang pinagkaiba sa mga Divine Servant!
Agad naman na namumuo uli ang katawan ng Black Dragon God, kasabay nito, ang Queen of Spiders at ang Dream God ay nagsimula nang mag-ipon ng ng kanilang Divine Power para makabawi!
Pero sa sumunod na segundo, nalaman nilang hindi matamaan nang maayos ng kanilang mga spell si Marvin!
"Paano nangyari 'to? Ang labo ng lokasyon niya!"
"Hindi siya matunton ng Divine Power ko1"
Natakot ang dalawa. Isa itong bagay na hindi nila inasahan!
Nagmamadali nilang ginamit ang kanilang mga Divine Power Shield, at inilabas rin ng Dream God ang ilang Golden Armor!
Ang Golden Armor ito ay malinaw na isang Artifact. Maaari nitong mabawasan ang pinsalang kayang idulot ng Sodom Blades.
Wala silang magagawa, kahit na kayang mabuhay muli ng taltong God na ito, ang bawat muling pagbuhay ay nangangailangan ng napakalaking halaga ng Divine Source, at magiging mahina sila habang nasa proseso ng muling pagbuhay.
Masaydong malaking banta ang Sodom Blades para sa mga God, dahil man ito sa katanyagan nito, o sa mga praktikal na epekto nito, mapanganib pa rin talaga ito.
Isa pa, nang pagnakawan ni Marvin ang God Realms, hindi niya dinaanan ang Realm ng tatlong ito. Masasabing binigyan niya na ng konsiderasyon ang mga ito.
Sa tatlong ito, ang Black Dragon God ang pinaka-misarable. Matapos mawala ang kanyang Seconday Plane, wala na siyang maayos na mapagkukunan ng Faith, kaya hindi siya mapagaling ng kanyang Divine Source nang maayos.
Dahil sa ginawa ni Marvin, nawalan na ito ng pag-asa pang mabuhay!
Dahil sa mga sinabi ni Tiramisu, napagtanto ni Marvin kung gaano na talaga siya kalakas!
Mas malakas pa nga siya kesa sa Ruler of the Night na nag-ascend sa dati niyang buhay!
Wala pang matagumpay na nakakapag-ascend gamit ang isang False Divine Vessel sa buong kasaysayan ng Feinan!
Napakalaking halaga na ng Divine Source ang naging Essence, kaya lumagpas na ang lakas ni Marvin sa limitasyon ng kanyang katawan!
Gusto niyang ipakita sa God Realms ang lakas ng isang Plane Guardian ng Feinan!
"Hindi ba gusto niyo kong patayin?"
"Pasensya na kayo, hindi ko kayo mapagbibigyan."
"Ito na ang oras ko."
Kasing bilis ng kidlat ang pag-atake at pagpira-piraso ni Marvin sa muling nabubuong katawan ng Black Dragon God!
Umalingawngaw isang paghiyaw ng hinagpis
Ang kinatakot pa ng dalawang God ay hindi ang pagsigaw ng Black Dragon God, kundi ang nangyayari sa kanilang kapaligiran…
Kadiliman!"
Isang malawak at walang kawalang kadiliman!