"Hindi, magaling ang ginawa mo," tumugon si Roland. "Isipin mo, bakit sa dami ng lugar ay pinili ng mamamatay-tao, si Shio, ang city hall? Sapagkat alam niya na ako ay pinoprotektahan ng isang napakalakas na witch, at kung hindi siya palihim na pumasok, hindi siya magkakaroon ng pagkakataon. Dahil sa higit pang mga kaayusan na kailangan niyang gawin, naging mas mahina ang pag-atake niya, at sa huli ay nagawa niya akong tamaan gamit lamang ang maliit na punyal.
"Ngunit muntik na siyang magtagumpay."
"Hindi ito matatawag na tagumpay hanggat hindi niya ako napapatay, at dahil sa presensya mo ay bumaba ang posibilidad." Tumawa si Roland. "Ano kaya ang nagawa niya kung wala ka? Maaari siyang maghintay ng pagkakataon para patayin ako— may mga pagkakataon hanggat maaari siyang manatili sa kastilyo. Pinapakita nito na talagang protektado mo ako. Sa totoo niyan, kung ligtas ang teritoryo, mas ligtas din ako."
