"Mga binibini, gusto niyo ba ng fish soup?" sumilip si Kapitan Jack sa dampa habang pinapaikot ang sigarilyo sa kanyang bibig. "Ang masuwerteng binata ay nakahuli ng isang malaking tailless trout ngayon lang."
"Maraming salamat." Tumango si Tilly Wimbledon. "Sandali nalang ay matatapos na kami."
"Fish soup nanaman." Nagbuntong-hininga si Ashes ng makaalis si kapitan. "Ano ba ang maganda sa walang lasang pagkain?"
"Maaari kang magdagdag ng asin kung gusto mo." Tumawa si Breeze. "Ayos lang din ang paminta, kahit na mas mahal ito at maaring hindi pumayag si Mr. Jack."
"Huwag kang maglagay ng kahit ano, mawawala ang tunay na lasa ng sabaw at hindi masasabi ang kalidad ng mga sangkap." Hinaplos ni Andrea ang kayang maputla na kulay gintong buhok. "Lady Tilly, pumunta tayo sa dampa ng kapitan."
" Gusto ko lang ng isang bagay na mainit," sabi ni Shavi, na pinakamaliit sa grupo, "Ang aking mga daliri ay halos tumigas na."
