Chapter 69: Sobrang Gwapo, Nakakapanghina ng Tuhod
Walang pinagkaiba ngayong araw ang production crew, 'di naman sila kumikilos nang kakaiba dahil lang parating na ang second male lead.
Napapalibutan ng mga babae na parang gusto siyang sambahin ang bidang lalaki na si Zhao Sizhou habang nakikinig sila sa mga kwento nya tungkol sa dakila niyang karanasan sa entertainment industry. Samantala, lalo namang nagiging maganda ang pagkakaibigan nina Jia Qingqing at Ning Xueluo at masaya silang nag-uusap tungkol sa diamond bracelet na bigay ng tatay ni Jia Qingqing.
Si Ning Xi lang ang 'di mapakali. Kung tutuusin naman kasi, marami siyang scenes kasama ang second male lead at malaki ang magiging epekto sa kanya ng galing nito sa acting.
May mapanghamak na tingin nanaman sa mukha ni Jia Qingqing habang pinaglalaruan ang kumikinang na diamond bracelet sa kamay niya. "Xueluo, tignan mo si Ning Xi parang sabik na sabik habang naghihintay! Naniwala talaga siya sa sinabi ni direk 'no? Akala niya ba kapag naghintay siya nang ganyan may lalabas na Pan An