Alipomuona Aretha akikimbia chooni, Edrian akatabasamu na kurudisha macho yake kwenye simu.
"I love her" akaandika kwenye simu yake kisha ujumbe akautuma.
Dakika kumi zikapita na Aretha hakutoka tangu alipoingia chooni. Edrian akapata wasi wasi akainuka na kusogea ulipokuwa mlango akaita
"Retha"
"Aaahmm" sauti yake ikasikika
"Unahitaji msaada?" Akauliza kwa wasi wasi
"Aah hapana.. nimemaliza" akajibu Aretha.
Ed akatabasamu, kisha akarudi kuketi akafungua simu yake akampigia Allan, wakati akiongea, akasikia kitasa cha mlango ukifunguka akielekeza macho kumwangalia Aretha ambaye alitokea kichwa chake kikiwa kimeinamishwa asiweze kumtazama Edrian usoni
"Basi nashukuru Allan. Nitakuwa ofisini hapo mapema kesho. Tutaongea. Jioni njema." Akamaliza Edrian kisha akainuka na kusogea alipokuwa amesimama Aretha, lakini yeye akamkwepa na kuelekea mlangoni
"Retha, please stop. Hakuna cha kuogopa, Dokta Brianna alihusika na kila kitu sio mimi" Edrian akamwambia
"Uumhh. Kweli?" Akauliza Aretha huku akiangalia pembeni isipokuwa kwenye macho ya Edrian
"Njoo Retha!" Edrian akamwambia huku akiachanisha mikono yake
Aretha akapiga hatua za taratibu hadi alipofika karibu naye, "ulimwambia mama?" akamuuliza
"Niliongea nae lakini sikumwambia tukio hili ila anajua kuna dharura tuko hospitali. Nataka nikaongee nae mwenyewe." Edrian akamwambia kisha akamshika mabegani
"Retha, sitakuacha, kwa sababu kuna watu wanataka nikuache. Na kuna watu wanataka uniache, niahidi hautaniacha"
"Eeehmm, aa... kwa nini unasema hivyo?"akauliza Aretha huku akijitahidi kumtazama Ed usoni lakini hakuweza sababu ya kuwa na soni nyingi kila alipofikiria hali aliyokuwa nayo kufahamika
Kwa sababu ndani ya siku mbili tumepata changamoto ambazo pasipo kutumia busara tungetofautiana. Ni ombi langu, kama ulivyoniahidi kunisikiliza sasa naomba unisikilize zaidi" Edrian alipomaliza hakusubiri Aretha aongee chochote akamvuta na kumkumbatia huku mikono yake ikimpapasa mgongoni.
"I love you Retha" akamwambia kisha akambusu kichwani
"Rian" Aretha akaita kwa sauti ya chini
Akamrudisha nyuma kidogo na kumwangalia, Aretha akainua macho yake yakakutana na yale ya Edrian
"I love you Rian. I really do" machozi yakatiririka kwenye macho yake. Alichojua katika maisha yake sasa nje na masomo yake ni kumpenda Edrian. Kwa Aretha ni ulimwengu mpya ambao aliuona wa pekee kutoka katika macho ya Ed.
Edrian alihisi damu katika mwili wake ilikimbia sana tofauti na awali. Akamshika shingo Aretha na akashusha midomo yake kwenye ile ya Aretha ambayo ilimpokea kwa furaha. Simu ya Edrian ikaita, wala hakujali alijiachia katika busu lile na Aretha. Mikono yake ilimshika vyema kiunoni na taratibu ilianza safari kuelekea ndani ya blauzi. Aretha muda huu aliachia miguno laini ambayo ilimchanganya zaidi Ed, mikono yake ilimshika mpaka pale alipohisi kuzidiwa na joto lilioanza kuumbika tumboni kwake
"Rian" Aretha akamuita kwa sauti dhaifu, mara Ed aliposikia akatoa mdomo wake uliokuwa ukimbusu shingoni, akashusha pumzi.
"Sorry Retha" akarudi nyuma kisha akageuka haraka na kuingia chooni.
Simu ya Ed iliendelea kuita, Aretha akasogea kuangalia kwenye kioo, akaona ni Derrick, akasogea pembeni akajiweka vyema huku akijiangalia namna nguo zilivyomkaa vyema hadi viatu
"Utadhani alinipima mbona kila kitu kimenitosha" akawaza.
Edrian alipofika chooni akainama kwenye karo la kunawa mikono. Akafungua maji na kujimwagia usoni kisha akainua macho na kujitazama kwenye kioo
"That was too close"
Akajiweka vyema kabla ya kusikia sauti ya Aretha ikimuita apokee simu. Akafungua mlango na kuelekea aliposimama Aretha akamkabidhi simu, akapokea na kuzungumza na Derrick ambaye alimfahamisha kuwa wameshampeleka Charlz nyumbani.
"Njoo nyumbani, utalala hapo kuna mambo ya msingi nataka tuzungumze. Baadae" akakata simu. Akampa ishara Aretha waondoke
"Rian, asante kwa kunistahi na kuendelea kunipenda" Aretha akamwambia alipokuwa akimsogelea
"Asante pia." Ed akatabasamu na kumuelekezea mkono ili amshike.
Aretha akampa mkono na kwa pamoja wakatoka mle ndani huku nyuso zao zikitabasamu.