Selene Caz
Pagka-sabi ko non ay agad akong nag-ayos ng gamit ko.
Pero napahinto din ako sa pagkilos ng biglang dumaing sa sakit si Lyka.
"A-ahh! M-masakit! T-tulong! Tulungan nyo ko!" daing nya kaya agad akong napatingin sa kanya.
"L-lyka? B-bakit?" nag-aalalang tanong ni Sophie.
Nagulat nalang kami nang bigla syang natumba pero agad naman syang nasalo ni Jack.
Patakbo akong pumunta sa direksyon nila.
Namumutla si Lyka at parang hirap makahinga, tas sobra pa yung tagaktak ng pawis nya sa noo.
Nagulat ako nang biglang tumabi sakin si Jazer at sinuri nya ang katawan ni Lyka.
"A-anong nangyare sa kanya?" kinakabahang tanong ko kay Jazer.
Nanlaki ang mata namin ng biglang itaas ni Jazer ang tuhod ni Lyka at sa ankle nya may bumungad na namamagang sugat. Ang laki at namamaga talaga. Parang isang... isang kagat.
Napatakip ang mga kaklase ko sa bibig nila at para silang hindi makapaniwala.
K-kahit naman ako...
"S-sorry... d-diko na nasabing nakagat ako ni Chara kanina. S-sorry talaga" umiiyak na sabi ni Lyka at halatang nahihirapan na sya.
Agad naman syang yinakap ni Sophie.
Napayuko ako, naaalala ko si Chara. Kung sanang nalaman ko lang ng mas maaga, edi sana baka hanggang ngayon nakakausap ko pa sya.
"Shhh..." pagpapakalma sa kanya ni Sophie.
"H-hindi... hindi to pwede! M-mamamatay tayo! Mamamatay tayo dahil kay Lyka!" napatingin kami kay Clara nang bigla syang sumigaw at magwala.
Agad naman syang hinawakan ng mahigpit ni Vince sa braso at tinignan ng masama.
"Anong gusto mong sabihin? Iiwan natin sya dito?" seryosong tanong nya.
"A-ano ba Vince?! N-nasasaktan ako!" sigaw naman ni Clara.
"Bro, tama na yan" awat naman sa kanya ni Jeremy
Pero tila walang pinapakinggan si Vince at bakas ang galit nya kay Clara.
"Masasaktan ka talaga!" sigaw ni Vince kay Clara.
"Ano bang problema mo ha?! Nung namatay yung girlfriend mong si Janice, parang wala lang sayo! Tas ngayon magkakaganyan ka dahil kay Lyka?! O baka naman totoo yung sinabi ni Dalia na may relasyon kayo nyang si Lyka habang girlfriend mo pa si Janice?!---"
"Manahimik ka!" sigaw ni Vince kay Clara.
Agad namang lumapit si Tasya kay Clara.
"Vince... b-baka nga tama si Clara, h-hindi natin pwedeng isama si Lyka. M-mamamatay tayo" mahinang sabi ni Tasya.
Agad namang napalayo si Vince at napahawak sa ulo nya na parang nababaliw.
"H-hindi... hindi... hindi pwede to..." nagulat ako nang bigla akong sugudin ni Vince at hawakan ng mahigpit sa magkabilang balikat ko "Selene please... maawa ka kay Lyka. Hindi ko sya kayang iwan dito---" napahinto sya sa pagsasalita nang bigla syang tumalsik dahil sa pagtulak ni Chester sa kanya na sinundan ng pagsuntok ni Jazer sa kanya.
Napatakip ako sa bibig ko.
Agad namang inalalayan ng mga kaklase kong lalake si Vince.
"Hindi mo sya kaylangang saktan" seryosong sabi ni Chester kay Vince.
Nakayukong umiyak si Vince habang nakasalampak sa sahig.
"S-sige. U-umalis na kayo, h-hindi ako sasama. Hindi ko talaga kayang iwan si Lyka" umiiyak na sabi ni Vince.
Tinignan naman nila ako na parang inaantay nila ang desisyon ko.
Napayuko naman ako, hindi ko alam ang dapat gawin. Hindi ko kayang magdesisyon.
Pag-pinili ko si Lyka, parang sinakripisyo ko na rin ang buhay ng iba kong kasama.
Pag ang mga kasama ko naman ang pinili ko, hindi ko kakayaning maiwan si Lyka dito, at lalo na, na alam kong tao pa sya at hindi pa totally infected.
H-hindi ko kaya, hindi ako makahinga...
"Isama natin sya" seryosong sabi ni Jazer na nagpahinto sa pag-iisip ko.
"What?! Nababaliw ka na ba?! Tayo naman ang mapapahamak nyan! Teka! Sino ka ba?! Akala nyo naman kung sino kayong matalino! Dayo lang kayo dito! Wala kayong karapatan sa section na to!---" sigaw ni Clara pero agad syang sinigawan ni Loreine.
"Hoy ikaw babae ka! Kanina ka pa ha! Wala kang karapatang sigawan ang sino man sa mga kaibigan ko! Hinayupak ka! Ano bang naambag mo sa section na to?! Baka gusto mong ikaw ang maiwan dito! Tutal wala ka namang dulot!" sigaw sakanya ni Loreine.
"Reine..." awat sa kanya nila Jade at Aldrin
"Bat ako maiiwan eh section ko to! Kayo nalang kayang apat ang magpaiwan dito!" sigaw nya.
"Clara!" sigaw ko naman.
Agad naman syang napatingin sakin
"Oh bakit? Wag mong sabihing kakampihan mo yang mga yan" taas kilay nyang sabi na nagpainit ng ulo ko.
Agad ko namang nilapitan si Lyka na namimilipit pa sa sakit.
Atsaka ko ibinalik ang tingin ko kay Clara.
"Sino ba sila sa tingin mo? Studyanteng naligaw lang dito sa section na to? Kaibigan ko sila. Oo responsibilidad ko kayo, responsibilidad kita. Pero para sabihin ko sayo, kaya ko kayong iwan para sa apat na studyanteng tinutukoy mo. Atsaka ipapaalala ko lang sayo ha, ako ang President nyo, President mo. Respeto naman. At higit sa lahat, wag kang selfish. Magulat ka nalang, ikaw na pala ang natripan naming iwan dito." seryosong sabi ko sa kanya.
"Tsk. Narinig mo yon?" sabi naman ni Loreine sabay lapit sakin staka nya inalalayang makatayo ang nahihirapang si Lyka.
"Tigilan mo na yang pagiging isip bata mo, walang naiaambag sa problema natin ih" saway naman ni Lewis kay Clara.
Huminga naman ako nang malalim.
"Isasama natin si Lyka sa pag-alis natin dito" seryosong sabi ko sabay tingin kay Jazer "Ano sa tingin mo?" tanong ko sa kanya.
Lumapit naman sya sakin sabay akbay.
"Hanggat hindi pa umaabot ng 6 days hindi pa sya totally infected. Hindi pa sya magiging problema satin. Sa mga natitirang araw na yon pwede pa tayong makahanap ng paraan para bumagal ang pagdaloy ng rabies sa katawan nya. O kaya naman makahanap tayo nang paraan para makipag communicate sa Red Island ng mabilisan" seryosong sabi nya.
"S-so may chance pa na hindi sya maging zombie?" desperadong tanong ni Vince.
Tumango-tango naman ako.
Napangiti sya sabay yakap kay Lyka.
"Ahmm... Selene" napatingin ako kay Nicole nang tawagin nya ko
"Hmm?" tanong ko sa kanya.
Iniabot nya naman sakin ang isang notebook.
Humiwalay muna ako mula sa pagkaka-akbay kay Jazer tsaka ko kinuha yung notebook.
"Attendance natin ng present ngayon, sinama ko na jan yung mga kaibigan mo. Tinanong ko kanina yung mga pangalan nila. Hinihingi sakin yan ni Chester" nginitian ko sya sabay tango ko.
Agad naman syang pumunta sa kanila Loreine na kasama sila Lyka.
Agad ko namang nilingon si Chester, nakikipag-usap sya kila Jeremy.
Binuklat ko muna yung notebook.
(Girls)=7
*Selene✔
*Loreine✔
*Sophie✔
*Lyka✔
*Clara✔
*Nicole✔
*Tasya✔
(Boys)=11
*Jazer✔
*Chester✔
*Jade✔
*Aldrin✔
*Jack✔
*James✔
*Vince✔
*Lewis✔
*Martin✔
*Dave✔
*Jeremy✔
(❎) =5
*Chara❌
*Nicka❌
*Dalia❌
*Lory❌
*Janice❌
Napakunot noo ako sa nabasa ko, pero agad ko rin namang naintindihan.
Bumigat ang pakiramdam ko nang makita kong may❌ ang lima kong kaklase. Pero hindi ko naman magagawang mabago yon.
Huminga ako nang malalim staka ako lumapit kay Chester.
"Psst" tawag ko sa kanya kaya nahinto ang mga kaklase kong lalake sa pag-uusap at napatingin sila sakin, pati na rin si Chester.
Iniabot ko naman agad sa kanya yung notebook.
"Attendance, check mo. Tsaka dun tayo sa kabilang sulok. Meeting" maikling sabi ko sabay punta kila Loreine.
"Psst" tawag ko kay Loreine, pero napatingin din sakin ang mga kasama nyang sila Vince, Lyka, Nicole at Sophie.
"Oh?" tanong ni Loreine.
"Meeting. Dito muna kayo Lyka ha mag-uusap lang kami nila Chester. Vince, Sophie... kayo munang bahala kay Lyka, at Nicole sama ka sa meeting, dun tayo sa kabilang sulok." tumango naman sila sakin tsaka sumunod sakin si Loreine at si Nicole naman ay agad tumakbo sa direksyon ni Chester.
Agad namang umakbay sakin si Loreine.
"Naiinis ako dun sa Clara" bulong sakin ni Loreine.
"Pake ko sayo?" bulong ko din sa kanya pero agad nya naman akong binatukan. "Aray! Putspa ka!" agad kong hinatak ang buhok nya sabay takbo ko kila Jade, Aldrin at Jazer.
Agad akong pumunta sa gitna nang tatlo.
"Lintek ka! Lika dito Lenlen! Madaya ka! Pabawe!" sigaw nya.
"Ayoko! Tignan nyo Jade oh! Inaaway ako nang maldita nyong kaibigan! Waaah! Lumayo ka sakin!" pero agad din akong nakurot ni Loreine.
Babawi na sana ako at manghahampas sana ulit sakin si Loreine nang biglang may umatak sa likod ng uniform ko. Si Jazer na seryosong nakatingin sakin.
Napatingin naman ako kay Loreine nang may umatak din sa likod ng uniform nya. Si Aldrin na halatang napipikon na rin.
Napatingin naman ako kay Jade na todo pigil ang tawa.
Sabay naming hinubad ni Loreine ang sapatos namin sabay bato kay Jade.
Bwiset kang lalake ka!
"Mag mi-meeting na ba tayo o hindi?" seryosong tanong ni Jazer.
"Oo na! Bitiwan mo na ko!" sigaw ko sa kanya.
Imbis na bitiwan ibinagsak nya ang dalawa nyang palad sa magkabilaang balikat ko.
Tsaka nya ko tinulak kung san ko pinapunta si Chester at Nicole.
Pero agad naman akong napahinto staka ko sya nilingon sa likod ko nang naka-pout.
"Yung sapatos ko" sabi ko
"Jade!" sigaw nya naman, kaya agad inilapag ni Jade ang dalawang pares ng sapatos ko sa mismong harap ko.
"Yan kasi... bato-bato pa" pagpaparinig sakin ni Jade kaya agad ko syang tinadyakan sa mukha sabay takbo ko sa direksyon nila Chester.