Hello
Salut
Ohayo
سلام بنات نعرفكم بنفسي انا الروائية الصغيرة اسمي(مانو) هذي مش اول اعمالي لانو عندي تجربة في الكتابة و حتى انو عندي عدة اعمال
لا علينا انا حبيت الواتباد و تعلقت فيه و قررت بماانو اصبح جزء من حياتي نكتب les chronique باللهجة الجزائرية من جهة نستمتع انا و من جهة تستمتعو انتو
امممم خلوني نحكيلكم على قصتنا
حكايتنا تبدا من عند دنيا و ياسين يلي هم لولاد الخالات
و كامل تعرفو المجتمع الجزائري كيفماه مخدوم يعني المشاكل يلي رح يواجهو ابطالنا يكونو مرتابطين بالحياة الواقعية
بالنسبة للاسماء و الشخصيات اكثر من النصف هي اسماء حقيقية
علابالي طولت عليكم في البداية
اتمنى تعجبكم الحكاية
ربي يفرقنا بلا ذنوب
يامن عاش
Peace✌
ا
لحلقة الاولى
حليت عينيا اليوم على غير العادة
ماما واقفة قدام الباب و البسمة مالية وجها
زعما راني نحلم؟
نضت و حليت عينيا على وساعهم
صباح الخير ماما
صباح الخير
نوضي تفطري وليد خالتك يستنا فيك لوطا
بففف شحال صعيبة تقولي قدام الناس تكرهيه و انت غارقة فيه حتى لشوشتك
ماما وش جاب هذا السامط ياك قتلك منحبش نشوف وجهو
لكن لا حياة لمن تنادي ماما راسها خشين
نعرفكم بنفسي انا دنيا العام الجاي هو عامي نتاع الباك يعني هدا العام ثانية ثانوي
مقلشة ماماها و باباها
ملتزمة لدرجة كبيرة محجبة طويلة و سمينة و حجابي ميبن حتى لمحة عليا و الحمد لله
نضت عينيا مغمضين لابسة روبا في النواغ كالعادة نمشي و نغلغل في صباعي بين شعري لي يوصل حتى آخر ظهري
ديراكسيون للصال دو بان
دوشت و خرجت نشف في شعري كملت و هبطت للكوزينة لقيتو مقابلني
عملت روحي مش نشوف فيه و انا قلبي رح يطيح
رحت ليه سلمت عليه
هو: صباح الخير بنت الخالة
صباح الخير ياسين cv
الحمد لله و انتي
عايشة
افطري بزربة خليني نوصلك
اوك
من ربثتي متولهتش ليدو
طلعت لبست حجاب في النواغ مع باسكات في الباج و كاغتابل في الباج و خمار في الباج درت لينات و خرجنا كيف كيف
ركبت من لور
جا فتحلي الباب و قالي
تشوفي فيا شوفور نتاعك يا لالة
اركبي من قدام
و انا قلبي حبس
ياه انا عملت هكذا باه منشوفش وجهو
فتحت الباب طلعت و عاودت سكرتو بكل قوتي
و شبيك نتي طونوبيل شريتيها بصواردك
انا علاه كي شري ت لمبرغيني وليت مش عبد
طول الطريق و انا نسكاني فيه
حتى لفت انتباهي خاتمو
و بدون وعي قتلو ياااه هدا مام مودال لي راني دايراتو شكون جابهولك
مسكين راسو حبس بعد ما كنت نهاوش فيه
بديت نحكي و نضحك وحدي😄
شاف معايا و كان يتبسم😁
لانو انا كنت ميتة بالفرحة قالي هدا جابتولي يما معاها
لحقنا للثانوية العيون كامل على الطونوبيل
جيت هابطة حبسني
هبط و فتحلي الباب و هزلي الكارتابل
مدلي يدو باش نخرج لانو الحجاب كان طويل بزاف خافني نطيح
هذا كامل على عينين اغلبية سكان الثانوية
كانت صبحت الاحد
و انا يوم لخميس غبت و كي قالولي حباباتي علاه ماجيتيش قتلهم رح نتزوج و انا كنت نضحك
لكن مع هذا الموقف كامل حسبو انو هذا خطيبي
قفل الطونوبيل و مشا معايا
دخلنا للادارة لقينا المستشارة عطاتني رخصة دخول لكن كامل بقاو باهتين في ياسين
هزيت راسي معاه لقيتو يخز في لبنات قرصتو و انا نضحك قتلو احكم عينيك
طبعا لانو صرا كامل هذا الفيلم الهندي كاين وحدة تولهت للخواتم يلي حاطينهم
و هي نشرت لخبر انو خطيبي
كان ياسين راجل و عليه لكلام طويل زين مطراسي اللحية
و لي تشوفو تذوب و اولهم انا
دخلت للقسم كامل الانظار عليا
درت روحي مكان والو بديت نقرا جات الثناش12 خرجت مع حباباتي نضحك حتى نشوف في داك الطول و القد لابس سروال كلاسيك في الباج مع فاست كوير في لكحل و حاط شال و غاطس راسو مع التلفون مع شافني تبسم
و انا ممنعتش روحي اني نزرب عندو و نبتسم
حط يدو على راسي و قالي جات صغرونتي
باين راكي جعانة
كانو صحباتي يقرحولي(يشوفو فيا بنظرة ماشي نتاع خير) من بعيد الشي لي خلاني نفرح....
قتلو رح نموت بالجوع قلع خلينا نوصلو فيييت
________________________________
تعريف بالشخصيات
ياسين شاب خدام تعب على روحو و بنا انسان صحيح من كل الجوانب قرا ادارة اعمال و يخدم في العاصمة
ياسين الانسان الحلو المربي يلي قلبو على عايلتو
نرجعو عند بطلتنا
دنيا فتاة مناضلة منعزلة على العالم
تحب قرايتها لابعد الحدود
دنيا ثرثارة في نفس الوقت خجولة
قادر بكلمة ترجعها طوماطيشة بكل سهولة و هذي يلي رح يستغلها بطلنا