Sa bisig ni Ina asahan mong ikaw ay ligtas.
Hindi niya hahayaang sa piling niya'y ika'y mapipigtas.
Sa kahit anumang tahakin na landas.
Hinding hindi ka iiwan ni Ina sa anumang wakas.
Sa bisig ng mapagmahal na ilaw ng tahanan.
Puso'y lubos na makararamdam ng kaginhawaan.
Bisig ni Ina na laging mauuwian,
sa kahit anuman mangyari siya ay ating munting ilaw at tahanan.
Sa panahong makulimlim ang ating kalangitan.
Darating ang ngiti ni Ina na kasing silaw ng araw.
Ngiting nagpapahiwatig na hindi niya tayo iiwanan.
Kahit na siya man ay papanaw, hinding hindi mawawala ang dala niyang araw.
Sinisigurado ko Ina na sa pagdating ng araw.
Iyong napakatamis na ngiti ang aking matatanaw.
Habang hawak ko ang matagal ko ng gustong ibigay sayo.
Ang bunga ng mga sakripisyo't paghihirap na naranasan mo.