Chapter 39. "I am torn"
Ethina's POV
Umuwi na ako agad, nag-taxi lang ako. Naiinis ako at naguguluhan, ayos lang kayang iniwan ko siya 'ron. Parang bastos ko naman, sinama ko siya para mamasyal tapos iniwan ko lang. Ang sama ko yata, nakakainis naman. Nakabusangot ako habang nasa taxi at iniisip ang mga nangyari kanina. Niyakap ko ang bag ko at nagpalumbaba, nakakainis talaga, sana di magalit si Direk.
Habang yakap ko ang bag ko, nakapa ko naman ang isang pamilyar na bagay. Agad kong tinignan ang loob ng bag ko, at halos mahulog ang panga ko sa nakita ko.
"'Yung phone ni Direk?!" Sigaw ko. Nagulat naman si Manong taxi driver at napapreno kaya nauntog ako sa upuan sa unahan. Napapala ng mga di naka-seat belt.
"Pasensya Ma'am, nagulat po ako sa inyo." Paghingi ng paumanhin ni Manong.
"Ayos lang po, nakadikit pa naman bungo ko." Natatawa kong sabi habang hawak ang ulo ko. "Aguy."
