yeh sab tab suru hua jab mai bachha tha. jab bahot chote chote the tab specially 3 ladkiyo ke sath khelta tha , aur unme se ek ke sath mera rishta pakka kar diya tha , bachapan me hota hi ya par serious wala nahi majak me.
phir jab thode bade hue, muje ek ladki ke sath rehna bahot pasand tha uska name tha preeti.
4th class me aakar pata chala ki she is my crush , pyar karta hu us se , jaisd uske hone ki khusi thi waisa kuch aur nahi tha. use apna sab man liya tha . jab hi hamara football ka match hota seniors ke sath aur ham jeet jate to use sab se pehle batana chahta tha par har bar dar jata tha aur phir uski bestie ko bata deta tha . uske sath bahot sunhere pal bitae . mai janmuch ke apni new copies me name nahi likhta tha stickers laga ke aur wo mera name likh deti thi , bahot acha lagta tha mujhe . aur jab mai school na ata to mujhe wo apni copy deti mujhe agle din , par mai ghar jake kuch nahi likhta bas wo copy ko seene se laga ke use khub kiss krta . ham ek sath monitor bhi bane he , boys me se mai aur girls me se wo hamara kaam itna tha ki jab teacher class se jaye to dusre teacher ke ane tak jo bacha shor kare uska name black board pe likhna . phir ek din girls captain change ho gayi , uske baad se wo shor bhi kare na to uska name nahi likhta tha aur agar girls captain likhe to mita deta tha , sab mujhse puchte the uska name kyu mita Diya to mai bolta tha wo chup beth gayi h , tum bhi chup beth jao thodi der me tumhara name bhi mita duga . science exhibition me uske side wali seat ke liye ladai , recess me uska peecha karna par kabhi bata nahi paya tha use apne dil ki baat , asta aste sab ko pata chal gaya ki mai usse pyaar karta hu . ek hi bus me jate the , ghar nhi jayda dur nahu tha , ek hi tution me padhte the . mai har baar uske peeche peeche ata , ham aksar teachers se pehle ate the wo apni seat rakh leti aur bahar chal jati thi , usi wakt mai aake uski seat me bethta tha thodi der. wo mujhe majak majak me top ramen bulati thi, bahot acha lagta tha uske muh se yeh jav sunta tha . bus me uske window ke liye lad jata tha . aste aste ham badhe ek sath phir zindagi ka ek mod aya , mera selection ho gaya tha jnv me aur ghar wale bol rahe the ki chale ja , par mera man nahi tha use chor ke kahi jane ka . ghar walo ka kehna man to liya aur raji ho gaya . wo din abhi bhi yaad hai , 8th December 2012 , saturday tha , usne school me ek friend ko bhai banaya tha wo mere pas aya aur usne mujhse kaha ki wo tujhe pyaar krti h , har insan ki tarah mai bhi sarmaya aur phir us se kaha aisa nahi ho sakta , jaise hi school ki ghanti baji sab main gate ki aur dodne lage , tabhi uska bhai aya aur mujhse kaha ki usne tujhe i love u bolne ke liye bola he. mai phule nahi sama raha tha. wo jis bus me bethi thi mai bhi us bus aur chal diya par bus puri full thi . to maine socha abhi bahot time he . agle din sunday tha mulakat nahi hue , uske baad monday tha, mai badi uthshah ke satb utha aur tyaar hone laga tabhi maa ne kaha aj se wo dav school nahi jaega tu. bas yeh sun ke mere Pero ke neeche se jamin nikal gayi . maine ghabra ke pucha kyu to , maa ne bade pyaar se kaha aj se tu naye school jaega , teri nayi jindagi suru ho gi, naye dost banege, par tujhe hamse dur apne dosto ke sath rehna padega , mai bilkul nakhush tha . bas chila chila ke yeh kehna chahta tha ki mujhe kahi nahi jana , mai dav me hi padhuga, par gharwalo ke chehre se wo khusiya chinna nahi chahte tha . mujhe admission ke name pe school le gaye aur wohi chor diya admission kara ke aur saman mera sab le aye papa. bahot muskil se din kat rahe the , use nihare vina , uski germajudgi me kisi aur ladki se baat kya dekha bhi nahi tha , bas usi ka Sapne ate the din raat. phir jab mai 8th class me gaya uski id mili mujhe Facebook pe , pagal ho gaya mai us se baat krne ke liye , tab mai ghar me hi tha chutti leke aya tha . use jaise hi message krne laga tha , bhai be bola chal mujhe station chor aa , raste bhar use message kiya . ham station pahuch gaye, train aagaye bhai chala bhi gaya . par mai waha betha tha uske message ke liye , mujhe yeh soch ke dar lag raha tha ki agar wo reply kare aur mai online na hou to !! . 45 mins wahi station me betha tha , phir ghar se call aya ki train ayi nahi to maine kaha ha bhai chale gaya , mai aa raha hu .
us din bahot intezar kiya uske reply ka , par uske agle din uska reply aya . wo online hi thi to maine socha Apne bhi dil ki baat kar lu . maine sab se pehle yehi pucha ki kya wo sav sach tha , jo mujhe tere bhai ne kaha tha dav me. tab usne inkar kar diya , usne bola mujhe nahi pata mere bhai ne kya kaha tumse aur ab wo mera bhai bhi nahi he , ladai ho gayi he meri . mera dimag ne jaise mano kaam karna band kr diya tha . maine use wo sab bataya to usne kaha mujhe is bare kuch nahi pata , mujhe aise lagne laga jaise mano koi pyasa kuwe tak aya dod ke aur us kuwe me ek drop bhi Pani na tha . bahot udas ho gaya tha mai , phir ek din yuhi gujarte guharte use dekha maine . wo apne ghar jaa rahi thi akele , uske papa aye nahi the lene . maine socha chal ke baat kar lete he kuch us se . jaise hi uske pas roka , us se yehi pucha kaise ho ap? . phir us se wahi baat puchi to usne kaha , ha maine esa kaha tha par yeh baat bahot purani he, ab mai apne padhai pe focous kar rahi hu, tu bhi wohi kar. mai apne dil pe pathar rakh ke , face pe ek fake smile leke waha se chal diya . uske baad uske sath ladai ho gayi facebook pe hi, aur usne block kar diya mujhe . mai bas yehi soch ke chup reh gaya ki galti meri hi thi.