"Pare! Sabi ko na nga ba at ikaw ang nakita ko. Kumusta ka na?" Masayang pagbati ni CEO Jeff Go sa matalik niyang kaibigan.
Ang mga tao sa paligid ay biglang napatigil at napatingin sa dalawang taong pinagpala ng panginoon nang lahat lahat.
Sino ba naman ang hindi mapapatigil kumain, kung noong una ay iisa lang, ngayon ay naging dalawa na ang kanilang paglalawayan. Habang busy ang mga tao sa kapetirya na magnakaw ng tingin, ang kanilang pinagmamasdan ay walang mga pakialam.
Si Tanaga na nagulat ng may humawak sa balikat niya ay tumingala habang nakakunot nuo ito at handa ng pagalitan kung sino man ang taong malakas ang loob.
Pero laking gulat niya ng ang tumambad sa kanya ay ang matalik niyang kaibigan, ang taong pinang kakautangan niya ng buhay. Kung hindi kay Jeff at ang mga tauhan nito, siya ay nawala na sa mundong ito. Kaya naman biglang nagbago ang tema ng kanyang mukha at ito ay naging maaliwalas.
