Sige ang sermon ni manong Ruffy sa dalawa habang panay din ang subo niya. Hindi niya tuloy napansin na wala namang nakikinig sa kanya dahil ang tatlo ay busy na kumain at sige ang kwentuhan tungkol sa broadway show na pinanuod ni Ashley.
Nang patapos na silang kumain, naalala ni Ashley ang ibang kasambahay at ayaw niyang sumama ang loob ng mga ito.
"Manong Ruffy, pwede po ba ay ipaliwanag nyo sa ibang kasambahay kung bakit kayong tatlo lang ang kasalo ko. Isa pa siguraduhin mo na kung ano ang meron tayong klase ng pagkain dito sa lamesa... Palutuan mo din para doon sa kanila. Please!"
Ngumiti si Manong Ruffy sa kanyang narinig, sabay tumango bilang isang pag-sang-ayon. "Wag po kayong magalala, sisiguraduhin ko po na masusunod ang utos mo!"
