Biglang tumaas ang kilay ni lola Hanada ng ang bumulaga sa kanya ay si Ohani, imbes na si Ashley. Hindi siya nakasagot sa pag-bati ni Ohani dahil nasa malayo ang kanyang isipan. " Nasaan na kaya ang batang iyon?" Imbes na sumagot siya sa pagbati ni Ohani sa kanya, mabilis na kinuha ni lola Hanada ang cellphone na nasa bag at dinayal niya ang numero ni Ashley.
*Bzzz, bzzz, bzzzzzzz* Pero ang sumagot ay, "You have reach xxx-xxx-xxx please, leave a message after the beep." Biglang umasim ang mukha ni lola Hanada dahil answering machine lang ang sumagot. Sinubukan niya uli ng isang beses pa. Pero ganun din ang nangyari at answering machine uli ang sumagot.
Sa inis ni lola Hanada, itinapon niya pabalik sa bag niya ang cellphone at mabilis na tumayo. Ni hindi man lang niya binigyan ng pansin si Ohani na lumapit na upang batiin siya muli.
