\
\\
...
Kung si Enrico Sagrado ay may sarili ng pamilya. Gayun din si Madel at sa Amerika na siya naninirahan kasama ang kanyang pamilya. Samantalang si Felisa naman ay nasa Germany para ipagpatuloy ang pagaaral niya ng medisina. Ito naman si Crisanta, ang bunso sa magkakapatid ay pumasok sa kumbento para magmadre.
Mahiyain si Crisanta. Masunurin siya sa kanyang mga magulang. Minsan siya ay masakitin. Nang dumating siya sa Pilipinas, nakilala niya si Rodel, ang kasintahan ng kanyang kapatid na si Madel. Itinago niya ang kanyang nararamdaman sa kanya. Nang nagpakasal sina Rodel at Madel, pumasok na siya sa kumbento para magmadre. Wala siyang pinagsabihan kahit kanino tungkol sa nararamdaman niya kay Rodel. Isiniwalat na lang niya iyon sa kanyang talaarawan.
Isang beses, nagkaroon siya ng malubhang karamdaman. Dinalaw siya ng kanyang mga magulang at mga kapatid. Lalo siyang nasiyahan nang nagkita sila muli ni Rodel. Nasabi ni Rodel sa kanya na nagkahiwalay na sila ni Madel. At nang pumanaw na si Crisanta dahil sa malubhang karamdaman, hiniling ni Rodel sa kanyang mga kaanak na kung puwede ay magkatabi ang kanilang puntod ni Crisanta kapag dumating ang tamang oras na siya ay mabawian ng buhay.
\
\\
...
-END-