Meri maa meri pyari maa
tune janam diya mujhe,
mujhe jeena sikhaya hai,,
mamta ke anchal me tere,
pyar hi pyar samaya hai,,
jeevan ki is kadi dhoop me,
maa tu pyar ka thanda saya hai,,
duniya ke har dard seh ke bhi,
har dard se mujhe ubara hai,,
meri maa meri pyari maa...
Ungli meri thaam ke tune,
mujhe chalna sikhaya hai,
jab jab ladkhada ke gira mai,
tune mujhe sambhala hai,,
pyar se phook ke meri chot pe,
god me leke marham lagaya hai,,
aansu tab mere poch ke tune,
meri pith ko pyar se thapthapaya hai,,
meri maa meri pyari maa...
Alhad si us meri umar me, ik
papa ki har daat se mujhe bachaya hai,,
saitaniyaa meri maaf karke,
mujhe sine se lagaya hai,,
neend mujhe jab nahi aati thi,
lori gake sulaya hai,,
papa ki daat se gussa hui to,
Khilone deke rinjhaya hai,,
meri maa meri pyari maa....
Jab jarurat thi mujhe dost ki,
tune hath badhaya hai,
har buri najar har buri sangat se,
hamesha mujhe bachaya hai,,
sanskar tune sare deke mujhe,
logo me gunvaan banaya hai,,
har baat suni dhyaan se meri,
har musibat se mujhe nikala hai,,
meri maa meri pyari maa.....
Samundar ke in tufaano me,
lehro se ladna sikhaya hai,,
jab bhi dara jeevan ki mushkilo se,
maa tune dhaandhas bandhaya hai,,
himmat mujhko deke tune,
maa tuneapna har farz nibhaya hai,
maa tu devi ka dusra roop hai,
tere charno me swarg samaya hai,,
meri maa meri pyari maa...
- Roshan Swarnkar