Sabhi logoun ko subha 6 baje college main aane ko kaha gaya tha. Is liye main 4 baje hi uth gayi thi kaam wagaira karne ke baad taiyar hokar saman liya jo maine raat mein hi pack kar liya tha. main takriban 6:20 ko college pahunchi kyunki meri pehli train miss ho gayi thi toh dusri train se late ho gaya.
college pahunchi toh waha sab aachuke the aur kuch 10 min mein humein nikalna tha. rasta kuch 14 ghantoun ka tha, aur jo ke hum jungle mein rehne wale the is liye sabhi logoun ne apne apne camp rakh liye the.
Hamari 2 bus thi, ek ladko ki aur dusri ladkiyoun ki, chunke ladkiyoun ki tadad zyada thi aur mujhe aane mein late bhi ho gaya tha toh humein ladkiyoun ki bus mein jagah nahi mili, bus full ho chuki thi. toh sir ne humein dusri ladko ke bus mein bhej diya waha kuch 4 seats khali thi toh main aur Sara usi bus mein baith gaye. hamari samne wali row mein mere samne sidharth bhi baitha hua tha wo apne phone mein headphones laga kar gane sun raha tha.
6:30 tak bus waha se chal padi. sabhi log apne apne kaam mein lage hue the. main bhi apne phone mein games khel rahi thi..'hehe aur kya karti kuch samajh nahi raha tha aur mujhe bahut boriyat bhi ho rahi thi'.