Chapter 978: Takot na Mawala Ka (9)
Sa pagkakataon din yon, may biglang sumigaw. "Boss, nakabalik na sila."
Sumigaw agad ang lalaking may hiwa sa mukha, "Taba, dalhin mo siya dito."
"Boss…" tila ba maiiyak ang matabang lalaki, puno ng pagkadismaya ang kanyang mukha.
Ngunit, wala siyang ibang pagpipilian kundi sundin ang utos ng kanyang boss at dalhin ang babae pabalik…
"Tanggalin mo ang kanyang piring, magiging magandang palabas ito," tawa ng lalaking may hiwa sa mukha.
Pagkatapos, tinanggal ng matabang lalaki ang piring sa mata ni Huo Mian…
Sa pagkakataon lang na iyon napagtanto ni Huo Mian na nakaupo siya sa isang abandonadong bodega.
Mayroong walong tao sa paligid niya, ang lalaki sa gitna ang kanyang pasyente kaninang umaga.
Tinignan niya ang pitong utusan nito… at wala siyang kilala ni isa sakanila. Sino ang nagbabayad sa mga taong ito?
