"Bakit ka nandito?" Kaagad hindi naging komportable si Mrs. Qin pagkakita kay Huo Mian.
Kahit na hindi niya ito nakita sa loob ng pitong taon, katulad pa rin ng dati ang itsura ni Huo Mian.
Maliban sa katotohanan na hindi na ito mukhang inosente, malinis at maamo pa rin ang mukha nito at medyo walang emosyon.
Para sa mga hindi nakakakilala kay Huo Mian, iniisip nila na isa siyang emosyonal at mahirap lapitan na babae; pero ang totoo niyan, mas higit pa siya rito.
Siya ang pinaka-astig na makikilala mo – namumuhay siya ng malaya at arogante…
Pitong taon ang nakakalipas, alam ng buong school ang pagtutol ni Mrs. Qin sa pakikipagdate ni Qin Chu kay Huo Mian.
Si Huo Mian at si Mrs. Qin ay may iilan ng pagtutuos. Kaya naman, kahit hindi sila nagkita sa loob ng pitong taon, hindi nakalimutan ni Mrs. Qin ang mukha ni Huo Mian.
Hindi pinansin ni Huo Mian ag tanong ni Mrs. Qin at tuloy-tuloy siyang pumasok at umupo sa leather na sofa.
