Chapter 1339: Young Master Su, interesado ka bang makipag-sosyo? (10)
"Sino ka ba sa tingin mo?" Nairita si Huo Siqian, lalo pa at katatapos niya sa pakikipagtalo niya kay Song Yishi.
Nang mapagtantong wala siya sa lugar para magtanong, agad na tumahimik si Wang Shasha.
- Sa GK Corporation -
Tumigil ang mapula Ferrari ni Rick sa harap ng gusali. Sumakay siya sa personal na elevator ni Qin Chu at umabot sa pinakatuktok na palapag.
Katatapos lang ni Qin Chu sa isang pagpupulong. Hindi naman siya nagulat nang makita niya si Rick.
Alam niyang mayroong importanteng sasabihin sa kanya si Rick kaya agad niyang pinaalis ang ibang tao at binilin kay Yang na bantayan ang pinto.
Pareho ng relasyon ni Qin Chu kay Gao Ran ang relasyon niya kay Rick.
Kahit na bihira silang magkita, matibay pa rin ang kanilang pagkakaibigan. Kasing tahimik lang ni Qin Chu si Rick, baka nga mas tahimik at mas wala itong pakielam sa mga bagay.
