Naglakad si Xu Jiamu papunta sa bintana at habang nakadungaw sa
kalangitan, muli siyang nagsalita ng mabagal, "Gusto ko ng ikasal."
Walang bakas ng lungkot o kahit anong emosyon sa boses ni Xu Jiamu nang
magsalita ito, pero noong sandaling maproseso ni Lu Jinnian ang sinabi ng
kapatid, sobrang nagulat siya, na para bang tinamaan siya ng malakas na
kidlat.
Kaya literal na natigilan siya ng tatlong minuto bago muling magtanong,
"Kanino ka naman magpapakasal?! Ilang beses na kitang kinakausap tungkol
dito, pero lagi ka namang umiiwas. Bakit bigla mong naisip magasawa? May
nangyari ba…"
"Walang nangyari." Kagaya niya, kalmado lang ang boses ni Lu Jinnian
habang nanguusisa, pero sa hindi malaman na kadahilanan, bigloa siyang
naging emosyunal at nagpatuloy, "Hindi ko pa alam kung kanino… Pero
ayoko ng maging magisa…"
'Ayoko ng maging magisa…' Napaka simpleng mga salita na may napaka
bigat na kahulugan… Muli, hindi nanaman nakapagsalita si Lu Jinnian…
Sigurado nagulat nanaman… Pero sa pagkakataong ito, hindi na hinintay ni
Xu Jiamu na makasagot ang kapatid at muli siyang nagpatuloy. "Osige Bro,
may mga kailangan pa kong gawin. Kita nalang tayo mamaya."
At dali-dali niyang pinindot ang 'End Call'
Hindi niya alam kung bakit… Pero napansin niya nalang na nanginig ang
kanyang mga daliri, kung kailan nagumpisa? Hindi niya alam…
Naglakad siya pabalik sakanyang upuan at habang hawak ang kanyang
phone, bigla siyang natulala sa kawalan…. Ano bang nangyayari sakanya?
Pakiramdam niya para siyang buhay na patay…. Hindi naman ganito ang Xu
Jiamu na pinangrap niyang maging....
Pagkalipas ng mahigit tatlumpung minuto, hinang hina siyang yumuko sa
kanyang lamesa, at nang sandaling ipikit niya ang kanyang mga mata,
tuluyan ng tumulo ang luhang ilang araw niya ng kinikimkim…
-
Eight thirty maguumpisa ang party, kaya alas siyete palang ay nag'out na si
Xu Jiamu para makapagbihis muna sa Mian Xiu Garden. May naging
'trademark' na siya sa tuwing pumupunta sa mga events, kaya habang
namimili siya sa changing room, walang pagdadalawang isip siyang kumuha
ng isang kulay blue na suit, pero nang sandaling marealize niya ang ginawa
niya, bigla siyang natigilan.
Hindi niya naman talaga gusto ang blue noon… Two years ago, nagumpisa si
Song Xiangsi sa pagaartista, at dahil sa pambihira nitong talento sa pag'arte,
nanalo ito kaagad bilang best actress. Tandang tanda niya na maayos pa ang
lahat sakanila noon, kaya kahit wala silang 'label', binigyan siya nito ng isang
VIP pass. Natural, malaking event ito para kay Song Xiangsi kaya sinamahan
niya ito sa isang patahian para makapagpasadya ito ng gown. Bandang huli,
na'enganyo rin siyang magsukat, at dahil nakasanayan na, pumili siya ng
kulay puting suit, pero pagkakuha niya nito, sinabi nito sakanya na mas
gwapo siyang tignan sa blue, kaya mula 'nun, kahit saan siya magpunta, iba-
iba man ang design, gusto niya blue lang ang isusuot niya.
Bigla siyang natigilan, at nang sandaling mahimasmasan, dali-dali niyang
binalik ang kinuha niyang blue suit at pinalitan ng isang itim na itim na suit.
Mula sa araw na 'to, gusto niya ng tapusin ang lahat ng ginagawa niya na
may koneksyon kay Song Xiangsi…
Eksaktong eight thirty nang makarating si Xu Jiamu sa labas ng China World
Hotel.
Hindi niya na hinintay na pagbuksan siya ng car attendant, at dali-dali siyang
bumaba, pero wala pang dalawang segundo siyang nakaapak sa sahig nang
bigla siyang natigilan sa nakita niyang napaka pamilyar na anino.
Dali-dali, lumingon siya at doon niya nakita si Song Xiangsi, na buhat buhat si
Little Red Bean, habang nakatayo sa gilid ng kalsada at pumapara ng taxi.
Touch activated ang pintuan ng kanyang sasakyan, at dahil isasara niya
palang sana ito, literal na naipit ang daliri niya sa pagitan nito, pero imbes na
uminda ay nanatili siya sakanyang kinatatayuan, na para bang wala siyang
nararamdaman na kahit anong sakit ,habang nakatitig kay Song Xiangsi at
Little Red Bean. Hindi nagtagal, may humintong taxi sa harapan ng mga ito,
at saktong pagkaalis ng sasakyan, may lumapit din sakanyang bell boy na
magalang na nagtanong, "Mr. Xu? Ano pong maitutulong ko sainyo?"