Noong nagkasalubong sila sa Royal Palace, hindi niya matanggap na hindi
man lang ito ngumiti sakanya, na para bang wala itong pakielam sa ilang
buwan na hindi sila nagkita, kaya sa galit niya, kinaladkad niya ito pauwi at
sinampal ng malakas.
Sa totoo lang…. hindi niya talaga maintindihan…. Bakit ba sobrang apektado
niya?
Ilang buwan siyang nagtatanong sa sarili niya kung ano ba talagang
nararamdaman niya… Pero isang araw… hinayaan siya nitong makita ang
isang Song Xiangsi, na walang sinuman ang nakakakilala., at mula noong
araw na 'yun, wala siyang ibang gustong gawin kundi ang pasayahin ito. Sa
totoo lang, hindi naman niya alam talaga ang konsepto ng
pagmamahal…Habang nagfifitting sila para sa kasal nina Lu Jinnian at Qiao
Anhao, naisip niyang bilhan ito ng singsing, at kung bakit? Hindi niya rin
alam….Pero simula noong makulong ang mama niya, hanggang sa mailibing
ito kamakailan lang, nabigyan siya ng pagkakataon na mas makilala pa ito ang
sarili niya… at doon niya nakumpirma na hindi kakayanin ang mga nagawa
niya kung hindi si Song Xiangsi ang nasa tabi niya.
Noong una, paulit ulit niyang sinasabi sa sarili niya na binili niya lang ito sa
halagang limang milyon, pero bakit nga ba hindi siya umalis agad at hinayaan
niyang paikutin nito ang buhay niya sa loob ng walong taon?
Gwapo naman siya, mayaman, at maraming babae ang nagkakaundagaga
sakanya, pero sa nakalipas na pitong taon, wala siyang ibang babaeng
ginalaw bukod kay Song Xiangsi.
Lahat ng ito… Bakit ba ngayon niya lang narealize ang lahat…
Na para bang matagal na siyang nahulog kay Song Xiangsi ng wala siyang
kaalam-alam…
Kung kailan siya nahulog, hindi niya alam… pero malinaw sakanya na sa
paglipas ng bawat araw, lalo lang tumitindi ang nararamdaman niya. Palalim
ng palalim ang pagmamahal niya para rito, hanggang sa dumating na sa
puntong…wala ng ibang mahalaga sakanya bukod kay Song Xiangsi.
-
Pagkasakay ni Xu Jiamu sakanyang sasakyan, wala na siyang sinayang na
oras at nagmaniobra siya kaagad para suyudin ang kahabaan ng traffic, hindi
para bumalik sa Xu Enterprise, kundi para dumiretso sa "Isang daang taong
kaligayahan".
Sa loob ng building, may mga mangilan-ngilang namimili ng singsing at base
sa obserbasyon niya, kitang-kita niya sa reaksyon ng mga babae kung gaano
kasaya ang mga ito habang nagsusukat ng iba't-ibang klase ng singsing.
Kaya maging siya ay nadala rin ng emosyon ng mga ito at hindi napigilang
mapangiti habang naglalakad papunta sa counter kung saan niya nakita ang
singsing na may kulay pink na diamond.
"Sir, ano pong maipaglilingkod ko sainyo?" Magiliw na bati ng sales lady.
Tumungo lang si Xu Jiamu, at walang pagdadalawang isip na tinuro ang
singsing na may pink na diamond, para senyasan ang sales lady na ilabas ito
para makita niya.
Nang titigan niya ito, napagtanto niya na di hamak na mas maganda pa ito sa
malapitan.
Kaya sa sobrang saya niya, wala ng tanong tanong pa at ibinigay niya na
kaagad ang size ng daliri ni Song Xiangsi sa sales lady.
Sikreto niyang sinukat ang daliri nito kagabi bago sila matulog.
"Pasensya nap o sir, wala na po pala kaming available na size. Kailangan niyo
na po ba ngayon mismo? Kasi kung makakapaghintay po kayo, pwede naman
po nating ipaadjust sa specialist namin."
"Sige," Walang tutol na tumungo si Xu Jiamu, at inilabas ang kanyang card
para bayaran ang bill.
Alas sinco na ng hapon nang makuha niya ang pina'resize na singsing. Muli,
tinignan niya ito ng maigi para siguraduhing wala ng problema bago niya ito
ilagay sa isang maliit na kahon, na masaya niyang ibinulsa.
Habang nagmamaneho pauwi, tumawag siya sa China World Hotel, para
magpabook ng isang kwarto at magpahanda ng isang bouquet ng bulaklak.
Pero noong malapit na siya sa Su Yuan apartment, naalala niya na pinapabili
nga pala siya ni Song Xiangsi ng prutas, kaya dali-dali siyang nagmaniobra
para bumalik sa supermarket.
Sabi ni Song Xiangsi, siya nalang daw ang bahalang mamili, kaya para walang
maging problema, kumuha siya ng tig ilang piraso ng bawat prutas. Hindi niya
namalayan na sobrang dami niya palang pinamili kaya imbes na bitibitin ang
mga ito ito ay binigay niya nalang ang address nila para ipadeliver nalang, at
muli, bumalik siya sakanyang sasakyan para magmaneho pauwi.
Pagkabukas niya ng pintuan, bumungad sakanya ang nakakabinging
katahimikan, at dahil palubog na ang araw, napapalibutan ang buong
apartment ng mamula-mulang liwanag mula sa kalangitan.
Wala siyang matandaan na may lakad ngayong araw si Song Xiangsi kaya
noong hindi niya ito nakita sa sala, nagdesisyon na siya kaagad na tawagan
ito.
Pero walang sumasagot kaya nagmamadali siyang nagpalit ng tsinelas para
silipin ang kwarto nila….Pero, pagkabukas niya ng pintuan, laking gulat niya
na wala ring Song Xiangsi na sumalubong sakanya.