Kaya biglang kumunot ang noo ni Song Xiangsi.
May tao ba sa lounge?
Kinuha niya ang kanyang bag na kalalapag niya lang sa sofa, at dahan-dahang
naglakad papunta sa lounge. Habang papalapit siya ng papalapit, palinaw din ng
palinaw na babae ang nagsasalita, "Kuya Jiamu, diba nangako ka sa akin na
ililibre mo ako ng sine pagkatapos ng trabaho mo ngayon? Bakit ba kasi
nagbago nalang bigla ang isip mo?"
Nang sandaling marinig ni Song Xiangsi na binanggit ng babae ang pangalan ni
Xu Jiamu, bigla siyang natigilan, at kanyang kamay, na kalmadong nakahawak
sakanyang bag, ay bigla nalang nanginig sa hindi maipaliwanag na kadahilanan.
Bahagyang nakabukas ang pintuan kaya kahit medyo malayo pa siya, kitang kita
niya na may magandang dalaga na nakahiga sa kama. Nakayakap ito sa braso
ni Xu Jiamu at walang tigil itong niyuyugoyog, na parang batang namimilit
magpabili ng laruan.
Mukhang pagod na pagod si Xu Jiamu dahil sa kabila ng pangungulit ng dalaga
ay nakapikit lang ito at halatang walang pakielam.
Kaya biglang ngumuso ang dalaga at pabebeng sinabi, "Luya Jiamu, pumunta
pa naman ako dito para makita ka, tapos ayaw mo naman pala akong kausapin,
ah ah ah ah…"
Kasabay ng pagbubunganga ng dalaga, mas lalo pa nitong nilakasan ang
pagyugyog sa braso ni Xu Jiamu.
Kilala niya si Xu Jiamu kaya alam niyang hindi magtatagal ay maiirita na ito, at
kagaya nga ng hula niya, bigla itong dumilat at pasinghal na nagsalita. "Qian
Qian, pwede bang tumigil ka na? Pagod na pagod ako. Diba may company event
sa baba? Bakit ba nandito ka? Ayaw mo bang makisaya doon?"
"Ayoko!" Walang prenong sagot ng babae, na Qian Qian pala ang pangalan,
habang paulit ulit na umiiling. Hindi nagtagal, bigla itong pumatong kay Xu
Jiamu at niyakap ng mahigpit ang leeg nito at muling nagsalita, "Kuya Jiamu,
kinasal na sina Lu Jinnian at ate Qiao Qiao. Kailan ba kasi tayo magpapakasal?"
Sa pagkakataong ito, parang biglang huminto ang tibok ng puso ni Song Xiangsi
at nanigas sakanyang kinatatayuan.
Nakatitig lang siya sa dalawa at nang dahil lang sa isang napaka inosenteng
tanong, pakiramdam niya ay tuluyan ng gumuho ang kanyang mundo. Hindi niya
pa man din napoproseso ang mga bagay-bagay, muli niyang narinig ang boses
ni Xu Jiamu, at sa pagkakataong ito, di hamak na mas kalmado, "Pagusapan
nalang natin ang tungkol jan pagkatapos mong grumaduate. Sa ngayon, pwede
bang bumaba ka nalang muna nang makatulog na ako."
"Kuya Jiamu, gusto ko sa simbahan tayo ikasal ha! Isa pa, nakita ko yung plano
sa wedding ni sis Qiao Qiao kaya pag tayo na ang ikakasal, gusto ko ganun na
ganun ha…"
Pero sa puntong ito, hindi na talaga matiis ni Song Xiangsi ang mga naririnig
niya kaya bigla siyang napayuko at dali-daling naglakad palabas.
Sa totoo lang, para siyang iniwanan ng kanyang kaluluwa at hindi niya
namalayan ang mga sumunod na nangyari dahil nang mahimasmasan siya ya
nakita niya nalang ang sarili niya na nakaupo na siya sa loob ng kanyang
sasakyan.
Dahil nasa underground parking siya, natural lang na sobrang dilim at tahimik.
Hanggang ngayon ay naninigas pa rin ang katawan niya at walang ibang
tumatakbo sakanyang isipan kundi ang narinig niyang pinaguusapan nina Xu
Jiamu at ng kasama nitong dalaga.
Ibig sabihin, may bago na palang fiancé si Xu Jiamu…
Bale noong hinanap siya nito, wala pa rin pala itong intensyon na pakasalan
siya…
Kung ganun... masyado ata siyang naging maawain. Sa totoo lang, noong
niyakap siya ni Xu Jiamu at nang marinig niya ang nakakawa nitong boses nang
sabihin nitong "pagod na ako", parang biglang nawala ang lahat ng
pinanghahawakan niya kaya sa kabila ng lahat, tinanggap niya ito ng buong buo
at hinayaan pang tumira sa sarili niyang bahay para damayaan ito sa lahat ng
mga pinagdadaanan nito.
Pero walang pala ito talaga para kay Xu Jiamu… ngayon man o noong
nakaraang pitong taon, ang tingin lang pala talaga nito sakanya ay isang
produkto na pwedeng pwede nitong bilhin.
Masyadong mataas ang naging tingin niya sa kanyang sarili at akala niya sapat
na ang ganda niya para mahalin din siya ng taong mahal niya.
Sa sobrang bigat ng loob ni Song Xiangsi, bigla niyang kinuha ang kanyang
phone para tawagan ang gynecologist, na pinuntahan niya kanina, "Dr. Jiang? Si
Xiangsi ito. Ibook mo ako ng appointment dahil gusto kong magpaabort!"