Dali-dali niyang tinap ito at hindi niya inaasahan na puno ito ng mga comments
ng mga parehong netizens na tumawag sakanyang desperada sa lalaki na
biglang naging panig na sakanya ngayon.
Maraming fans na nagseselos, naiinggit, at naiinis sakanya…
[Oh god! Totoo palang asawa ni Qiao Anhao ang dream guy ko ]
[Ate Qiao Anhao, niligtas mo ba ang daigdig para regaluhan ka ng langit na
mapangasawa ang asawa ko?!]
[Hoy! Sino bang sinasabi niyong asawa niyo? Gumising nga kayo! Si Qiao
Anhao ang tunay na asawa ni Lu Jinnian na pwede niyang makasamang
matulog, magmasahe ng paa niya at bumili sakanya ng maraming bags…]
[Bakit ang hot hot ng asawa ko? Nilinis niya ba ang buong ACR?]
-
Parang kaninang umaga lang, tinatawag siya ng lahat na "desperada", "walang
hiya", at "walang kwenta"…. Pero ngayon bigla naman siyang naging
"tagapagligtas ng daigdig", "nanalo sa buhay", at Mrs. Lu"?
Masyadong mabilis ang naging twist ng kwento kaya pakiramdam niya na
panaginip lang ang lahat ng nangyari sakanya.
Inulan siya ng mga bagong followers sa Weibo at walang katapusan rin ang
mga nagcocomment at nagsheshare ng simpleng post ni Lu Jinnian kaya
walang tigil ang kanyang phone sa kakavibrate. Hindi nagtagal, bigla siyang
nahimasmasan at muli niyang binuksan ang profile ni Lu Jinnian.
Ilang sandali palang noong huli niya itong sinilip pero ang kaninang fifty million
ay biglang naging eighty million na ngayon. Binuksan niya ang comment section
at napansin niya ang isang natatanging comment na may pinaka maraming
likes: [Ikaw ang dream guy ko at gustong gusto talaga kitang pakasalan, pero
kung saan ka masaya, doon din ako magiging masaya.]
At ang comment na may sumunod na pinaka maraming likes naman ay: [Dream
guy, bakit isang marriage certificate lang ang pinicturan mo? Yung ibang artista
kasi laging dalawa ang pinipost.]
Noong nabasa niya ito , bigla siyang napangiti dahil naalala niya yung gabi na
para siyang nabaliw at pinagpupunit ang marriage certificate niya. Alam niya na
isa 'to sa pinaka nakakatawang ginawa niya sa harapan ni Lu Jinnian kaya
naisip niyang iiscreenshot ang mga comments para iprivate message kay Lu
Jinnian. [Oo nga….Mr. Lu, bakit isang ang pinost mong marriage certificate?]
Pagkapindot niya ng 'send', narinig niya na nagalert ang phone ni Lu Jinnian at
dahil alam niyang galing 'yun sakanya, pasimple siyang sumilip ng nakakagat
labi pa, pero laking gulat niya na wala manlang itong karea-reaksyon.
Naghintay siya ng reply nito pero kalahating minuto na ang nakakalipas ay hindi
pa rin nagaalert ang kanyang phone.
Kaya nagsend na naman siya ng isa pang message. [Mr. Lu, bakit isang
marriage certificate lang ang pinost mo?]
Pero…. hindi pa rin siya nireplyan nito kaya sa inis niya ay tinadtad niya ito ng:
[Mr. Lu, bakit isang marriage certificate lang ang pinost mo?]
Sinilip niya si Lu Jinnian pero parang hindi ito apektado kaya magagalit na sana
siya nang biglang magvibrate ang kanyang phone. May bago siyang notification
sa Weibo kaya dali-dali niya itong binuksan at tumambad sakanya na may tinag
si Lu Jinnian.
Pagkapindot niya ng notification, nakita niya na pinost nito ang sinend niyang
screenshot ng comment na: [Dream guy, bakit isang marriage certificate lang
ang pinicturan mo? Yung ibang artista kasi laging dalawa ang pinipost.] na
dinagdagan pa nito ng status na: [Excuse me, Mrs. Lu, masarap ba ang
marriage certificate natin? @Qiao Anhao]
Dahil sa shinare ni Lu Jinnian, muli nanamang dinagsa ang notification ni Qiao
Anhao ng mga panibagong comments.
[Kinain ni Mrs. Lu ang marriage certificate niya?!]
[Mrs. Lu, magreply ka naman please, ano bang lasa ng marriage certificate?]
[Bukas, bibili talaga ako ng marriage certificate na tig nine cents para
matikman ko kung masarap ba talaga]
[Woo woo woo, gusto ko ring tikman…]