Bukod sa pagiging matabil ang dila, si Zhao Meng rin ang tipo ng tao na ayaw
magpatalo kaya kahit alam niyang si Qiao Anhao at hindi siya ang
pinagtatanggol ni Lu Jinnian ay tinignan niya pa rin ng masama si Lin Shiyi, na
kasalukuyang hindi mapakali sa kinauupuan nito, at tumawa. Wala siyang balak
na magsinungaling kay Lu Jinnian kaya dire-diretso niyang sinabi, "Si Lin Shiyi.
Binubully niya si Qiao Qiao."
Lin Shiyi… Nang marinig ni Lu Jinnian ang pangalang nilaglag ni Zhao Meng,
bigla siyang nagtaka na para bang hindi niya ito kilala kaya muli niyang inisa-isa
ang mga tao sa make up room. Noong nakita niya ang mukha ni Lin Shiyi, doon
niya lang naalala kung ito.
Hindi ba 'yan yung babaeng pina'banned niya noon, at ang babaeng wala ng
ibang ginawa kundi ang saktan si Qiao Anhao habang ginagawa nila ang
'Alluring Times'? Sino ba namang magaakala na pagkalipas ng mahabang
panahon ay magkakasalubong nanaman sila ng landas! Totoo hindi maiiwasan
na muling makita ang mga kaaway.
Biglang nanlisik ang mga mata at kumunot ang noo ni Lu Jinnian, na para bang
may biglang pumasok sa isip niya. Dali-dali siyang yumuko para pabirong
sabihin kay Qiao Anhao na para bang awang awa siya rito, "Gaano ka ba kahina
at laging ka nalang inaaway ng iisang tao?"
Malinaw na tinawag siya ni Lu Jinnian na mahina, pero hindi niya itatanggi na
kumalma siya dahil sa naging reaksyon nito. Noong sandali ring iyon, bigla
siyang ngumuso at sa unang pagkakataon simula noong dumating si Lu Jinnain
ay nagsalita na rin siya sa wakas. Mahina lang ang boses niya pero halatang
nagpapaawa. "Sa totoo lang, hindi niya naman talaga ako binully."
"Binully ka ba talaga niya o hindi? Ano ba talagang nangyari? Sabihin mo sa
akin."
Mahilig talagang makipag'debate ang mga kababaihan, pero hindi maitatanggi
na natural sakanila ang pagiging malambing kaya kapag nakahanap na sila ng
kakamping mapagkakatiwalaan nila ay mabilis silang bumigay.
Siguro dahil na rin sa pananahimik niya habang iniisip na baka biglang bumaba
ang tingin sakanya ni Lu Jinnian kapag nagsumbong siya, o baka dahil
naramdaman niya na masyado itong naging pasensyoso sakanya, o pwede ring
dahil sa pagtawag nito sakanya ng 'mahina', o kaya ang mismong tanong nito na
"Binully ka ba talaga niya o hindi?"…. Pero anuman sa mga rason na ito, hindi
niya itinatanggi na napanatag talaga siya.
Dahil dito, tuluyan ng bumigay si Qiao Anhao. Naisip niya na hindi naman
maituturing na paninira kay Lin Shiyi kung magsumbong man siya kay Lu
Jinnian kaya kahit sa harap ng lahat ng mga kasama nila sa make up room,
tuluyan na siyang nagkwento. "Noong nakaraang taon pa binigay ng kumpanya
sa akin ang drama na 'to. Noong panahon na 'yun, may direktor na pero wala pa
si Lin Shiyi. Kaso lang noong maguumpisa na ang pagfifilm, nakahanap siya ng
mayamang boyfriend na nag'invest ng malaking halaga para makuha niya ang
role ng supporting character."
"En," sagot ni Lu Jinnian para iparating kay Qiao Anhao na nakikinig siya.
Dahil sa naging reaksyon ni Lu Jinnian, lalo pang naging komportable so Qiao
Anhao at kung ikukumpara sa nanginginig niyang boses kanina, di hamak na
mas diretso na siyang magsalita ngayon na para bang normal na
nakikipagkwentuhan nalang. "Ayoko talaga sakanya tapos lagi niya pang
binabalandra ang boyfriend niya. At ang pinaka nakakainis kasi ay binago niya
ang script ko kaya…"
Sa wakas, nasabi niya na ang gusto niyang puntuhan. Sa totoo lang, hindi
talaga siya masaya na napalitan ang script…
Hindi nagsalita si Lu Jinnian at nakatitig lang ito sakanya habang hinihintay
siyang magpatuloy.
"Malinaw kasi na nakalagay sa scripy na ako dapat ang sasampal sakanya sa
susunod na eksena, pero biglang nagbago nalang nagbago at siya na ang
sasampal sa akin. Hindi lang isang beses, pero…"
Nang marinig ni Lu Jinnian ang rason ni Qiao Anhao, biglang kumunot ang
kanyang noo na para bang naiinis. "Tapos?"
Napakagat si Qiao Anhao ng kanyang labi at inalala niya ang naging pagtatalo
nina Lin Shiyi at Zhao Meng.