Gulat na gulat si Qiao Anhao sa nakita niya kaya nang sandaling mahimasmasan siya, dali-dali siyang tumakbo papunta sa CR.
-
Magkakahiwalay ang mga compartment sa loob ng CR ng Beijing Hotel.
Noong may nakitang bakenteng compartment si Lu Jinnian, agad niya itong binuksan at pwersadong itinulak si Xu Jiamu papasok sa loob. Pumasok din siya at pabalibag na isinara ang pintuan.
"Bro, ano bang kasalanan ko sayo? Kahit na galit na galit ka sakin, dapat da bahay mo nalang ako kinausap, napakaraming tao dito…Masyado mo naman akong pinapahiya!" Pagalit na sinabi ni Xu Jiamu dahil hindi niya maintindihan si Lu Jinnian.
"Pinapahiya?" Naiinis na pagulit ni Lu Jinnian habang inaalala niya ang nakita niya sa dining kanina at si Qiao Anhao na alam niyang mahal na mahal ang lalaking nasa harap niya. Hindi niya na mapigilan ang galit na nararamdaman niya kaya bigla niya itong sinuntok ng malakas.
Dumiretso ang suntok niya sa mukha ni Xu Jiamu kaya nasubsob ito sa lababo. "Bro, bakit mo ako sinun…"
Bago pa matapos si Xu Jiamu sa pagsasalita, bigla nalang hinawakan ng aahigpit ni Lu Jinnian ang braso niya.
Masyadong mahigpit ang pagkakahawak kaya napasigaw na si Xu Jiamu sa sakit.
"Bakit hindi natin pagusapan kung paano mo pinapahiya si Qiao Anhao!" Puno ng pagkasuklam ang boses ni Lu Jinnian at halos hindi na siya makahinga ng maayos sa sobrang galit. Hindi nagtagal, muli siyang nagsalita ng pasinghal, "Xu Jiamu, parang bigla naman atang bumaba ang mga tipo mo. Anong nilamang ng babaeng 'yun kay Qiao Anhao!"
"Bro, mali ka ng…Argh!" Hindi na natapos ni Xu Jiamu ang sinasabi niya dahil muli nanaman siyang napasigaw sa sobrang sakit ng kanyang braso.
Kayang kayang basagin ni Lu Jinnian ang mga buto ni Xu Jiamu pero hindi niya ginawa. Isinandal niya ang mkga balikat ni Xu Jiamu sa pader at pagalit na sinabi, "Ang babaeng yun ay hinding hindi maikukumpara kay Qiao Anhao, bulag ka na siguro!"
Tinignan ni Lu Jinnian ang kaliwa't kanan niya at nang masigurado niyang wala ng ibang tao, muli siyang tumingin kay Xu Jiamu at bigla niya nalang tinanggal ang belt nito.
"F*ck, bro, ano bang ginagawa mo?" Pasigaw na sabi ni Xu Jiamu habang tinatakpan ang kanyang ari.
Tinignan ng masama ni Lu Jinnian si Xu Jiamu at bigla niyang hinila ang belt nito. Sa takot ni Xu Jiamu na mahampas, bigla itong napaatras at dali-daling lumabas ng compartment si Lu Jinnian.
-
Habang nakatayo sa labas ng CR, pinakikinggan ni Qiao Anhao ang mga yabag ng paa. Hindi niya alam kung bakit siya kinakabahan pero noong may natsambahan siyang bakanteng compartment, dali dali siyang tumakbo at nagtago sa loob.
-
Isinara ng malakas ni Lu Jinnian ang pintuan at itinali ito gamit ang belt ni Xu Jiamu. Makailang beses niya itong pinulupot ang hawakan bago niya ito tuluyang ibuhol.
Si Xu Jiamu, na nakulong sa loob, ay walang tigil na hinila ang pintuan, pero masyadong mahigpit ang pagkakatali kaya sumigaw siya, "Anong ginagawa mo? Bakit mo ako kinukulong? Lu Jinnian…"
"Pat Pat Pat" Paulit ulit na sinuntok si Lu Jiamu ang pintuan.
Hindi ininda ni Lu Jinnian ang pakiusap ng kapatid. Kinuha niya ang kanyang wallet para bumunot ng pera. Iniabot niya ito sa taga linis at sinabi habang nakaturo sa pintuan, "Pakawala mo ang lalaking nasa loob niyan pagkatapos ng labindalawang minuto."
Labindalawang minuto…. Sa loob ng labindalawang minutong iyon, dapat nakaaalis na sila ni Qiao Anhao sa hotel.