Habang nagdidinner ang buong cast sa Beijing hotel, biglang nagsuggest ang direktor na mag'karaoke sila dahil malapit na silang matapos sa pagfifilm, ibig sabihin malapit na rin silang magkahiwa-hiwalay.. Wala namang tumutol kaya pagkatapos na pagkatapos nilang mag'dinner ng bandang alas diyes imedya ng gabi, lumipat na sila sa 'Resplendent' na di naman kalayuan sa Beijing hotel.
Nakisabay si Qiao Anhao sa sasakyan nina Song Xiangsi at Cheng Yang. Habang nasa kalagitnaan sila ng byahe, kinailangan muna nilang dumaan sa isang petrol station kaya sila ang pinaka huling nakarating sa meeting place. Maging si Lu Jinnian na umalis kanina ay nandoon na rin, tahimik lang itong nakatayo habang may hawak na iPad menu dahil nagoorder ito ng alak at iba pang inumin. Noong naramdamdaman ni Lu Jinnian na papasok na ang tatlo, iniangat niya ang kanyang ulo para tignan si Qiao Anhao.
Nakita rin sila ng direktor at itinuro ang machine na nasa gilid bilang pagsensyas nito. "Pumunta kayo doon at mamili kayo ng gusto niyong kantahin, dalawa ang minimum para sa bawat tao!"
"Xiao Qiao, tulungan mo akong mamili" Nagbanggit si Song Xiangsi ng dalawang kanta kay Qiao Anhao.
Nagiba ang itsura ni Lu Jinnian nang marinig niyang inuutusan ni Song Xiangsi si Qiao Anhao. Habang nagoorder siya ng isang bote ng Royal Salute, iniangat niya ang kanyang ulo para tignan ito ng masama.
Nagpanggap si Song Xiangsi na hindi nito nakita si Lu Jinnian, at naghanap pa ito ng isa pang kanta bago magpasalamat kay Qiao Anhao. Naglakad ito pabalik ng sofa at nang makaupo na, tinignan din nito ng masama si Lu Jinnian.
Pagkatapos tulungan ni Qiao Anhao si Song Xiangsi, namili muna siya ng isang kanta para naman sakanya bago siya tuluyang umupo. Noong nakita ng third female lead na umupo siya, masaya itong lumapit para bumati.
Hindi pa umaabot sa tatlong pangungusap ang kanilang pinaguuspan nang maramdaman ni Qiao Anhao na medyo lumubog ang katabi niyang upuan. Bago pa man siya makalingon, nauna ng ngumiti at magalang na bumati ang third female lead na kausap niya. "Mr. Lu."
Tumungo lang si Lu Jinnian, at ipinasa niya ang iPad kay Qiao Anhao. "May gusto ka bang kainin?"
Umiling si Qiao Anhao, kakatapos niya lang din kasing magdinner at wala rin siya masyadong gana.
Hindi na namilit si Lu Jinnian at muli siyang tumingin sa iPad. Nagorder siya ng dalawang large plates ng prutas at mani bago ibinalik sa waiter ang iPad.
Hindi nagtagal, dumating na ang mga inorder na pagkain. Maraming iba't-ibang klase ng inumin, beer, red wine, at white wine.
Humingi ang direktor ng dagdag na yelo habang isa-isang nilalagyan ng wine ang mga baso para makapag'toast silang lahat.
Bago pa man mahawakan ni Qiao Anhao ang wine, may isang porselanang tasa ang biglang inilapag sa kanyang harapan. May laman itong mainit na gatas, umuusok pa at amoy na amoy rin ang pagkagatas nito. "Hindi ba sabi mo hindi maganda ang pakiramdam mo at kailangan mo ng mainit?"
Matapos itong marinig ng third female lead, sinubukan din nitong magpapansin kay Lu Jinnian. "Mr. Lu, hindi rin maganda ang pakiramdam ko, pwede rin ba akong makahingin ng mainit na gatas?
Hindti pinansin ni Lu Jinnian ang sinabi nito habang walang emosyong itinatabi ang wine na nasa harapan ni Qiao Anhao. Kinuha niya ang sarili niyang wine glass para makipag toast kagaya ng gustong mangyari ng direktor.