Nasa sasakyan na sila noong naalala ni Qiao Anhao ang tungkol sa masakit niyang tiyan at ang paalala ni Lu Jinnian bago siya bumaba sa sasakyan nito na magpatiggin siya sa doktor.
Sumilip siya sa emergency unit na maraming tao, at pinakiramdaman niya ang kanyang sarili. Mas bumuti naman na ang kanyang pakiramdam kaya napagdesisyunan niyang ipagliban nalang ang pagpunta niya sa doktor.
Hindi naman yun ang unang beses na nagloko ang kanyang tiyan at kadalasan ay nakakarecover din siya kaagad kapag nakainom na siya ng gamot.
May tinawagan si Han Ruchu para ipalipat nalang ang schedule ng filming niya para buong araw siyang libre. Pagkasakay niya ng sasakyan nito, tinanong siya ni Han Ruchu, "Qiao Qiao, saan mo gustong pumunta?"
Nagisip muna si Qiao Anhao at narealize niya na wala naman siyang gustong puntahan, kaya sinabi niya, "sa Mian Xiu Garden nalang po."
Pagkabukas ni Han Ruchu ng makina ng kanyang sasakyan, napatingin siya sa oras at napansin na tanghali na pala kaya bigla niyang sinabi, "It's lunch time, bakit hindi mo nalang ako samahang kumain sa bahay, matagal na rin noong huling beses kang bumisita roon. Sakto, aalis din ang Uncle Xu mo samahan mo nalang ako at ipapahatid nalang kita sa driver mamaya."
Naalala rin ni Qiao Anhao ang nabigong surprise na plinano niya para kay Lu Jinnian kaya napagdesisyunan niya na mas mabuti nga siguro kung iiwas nalang muna siya sa lugar na 'yun kaya tumungo siya sa sinabi ni Han Ruchu. "Sige po."
At isa pa, naalala niya rin na malapit lang ang mansyon ng mga Qiao sa mansyon ng Xu kaya muli siyang nagsalita, "Bibisita na rin po ako sa bahay ng mga Qiao pagkatapos nating maglunch, matagal na rin po kasi noong huli akong bumisita sakanila."
Ngumiti sakanya si Han Ruchu at pinuri siya nito dahil sa pagiging mapagmahal niya bago ito tuluyang nagmaneho papunta sa mansyon ng Xu family. Habang nasa byahe, hindi sila masyadong nag-uusap.
Noong sandaling nakita ng mayordoma ng mga Xu na magkasama sila ni Han Ruchu, labis ang saya na naramdaman nito kaya masigasig siyang binati nito, pinaupo at biigyan ng tsaa. Inutusan rin nito ang mga cook na magdagdag ng ilan sa mga paboritong pagkain niya.
Kahit na dalawa lang silang kakain ni Han Ruchu, sobrang dami pa rin ng mga pagkaing nakalatag sa lamesa.
Noong nakatira pa si Qiao Anhao sa mansyon ng mga Qiao, madalas nilang binibisita ni Qiao Anxia ang Xu family, kaya naman kilalang kilala na sila ni Han Ruchu at ng mayordoma ng mga Xu. Noong nailatag na ang lahat ng pagkain, agad na naglagay si Han Ruchu ng manok sa bowl ni Qiao Anhao.
"Qiao Qiao, paborito mo ito diba. Niluto yan ng Auntie Yun mo para sayo."
Si Auntie Yun ang mayordomang isinama ni Han Ruchu noong ikinasal ito sa Xu family.
Paborito talaga ni Qiao Anhao ang ganung klaseng luto ng manok. Sa pagkakatanda niya, ilang buwan na rin ang nakakalipas noong huling beses siyang nakakain ng ganun kaya naman labis siyang ginahan. Masaya siyang ngumiti kay Han Ruchu at nagpasalamat dito bago siya nagumpisang kumain.
Sobrang napasaya talaga siya ng pamilyar nitong lasa at hindi niya na napigilang purihin si Auntie Yun sa culinary skills nito.
Masayang ngumiti si Auntie Yun habang inilalagay ang isdang iniluto nito sa kanyang bowl.
Nilaga ang pagkakaluto ng isda at sobrang sarap talaga ng amoy nito kaya naman sabik na sabik si Qiao Anhao na kumuha nito at agad itong isinubo. Pero noong sandaling kumalat na ang lasa ng isda sa kanyang bibig, muli nanamang nagloko ang kanyang tiyan. Tinakpan niya ang kanyang bibig at naduwal.
"Qiao Qiao, what's wrong?"
"Miss Anhao, anong nangyari?"
Nagaalalang tanong nina Han Ruchu at ng mayordoma nito.
Itinaas ni Qiao Anhao ang kanyang kamay para ipahiwatig sa mga ito na 'wala lang', at nagmamadali siyang tumakbo papunta sa CR para tuluyan ng sumuka sa inidoro.
Ibinaba ni Han Ruchu ang kinakain niya at sinundan si Qiao Anhao. Nakalock ang pintuan kaya noong sinubukan niya itong buksan ay hindi siya nakapasok pero naririnig niya ang pagsuka nito na nasa loob ng CR.