Matapos umupo ni Lu Jinnian. Tinawag agad ni Qiao Anxia ang serbidor. Siya rin mismo ang nag-abot ng menu kay Lu Jinnian ng binigay ito ng serbidor sa kanya.
"Jinnian, mag-order ka na."
Simula ng pumasok si Lu Jinnian sa kuwarto hindi ito sumulyap kay Qiao Anxia at kahit binigay nito ang menu sa menu lang ito tumingin saka sumulyap kay Qiao Anhao na katabi ng kapatid niya.
Hawak ni Qiao Anhao ang antiseptic towel, Naka tingin sa lamesa at tila may iniisip.
Nangunot ang noo ni Lu Jinnian bago sinabi, "Pwede ako kumain ng kahit ano, kayo na ang magpasya."
Hindi na nahiya pa si Qiao Anxia. Binuksan niya ang menu sa pagitan niya at si Qiao Anhao. Mabait na sinabi, "Qiao Qiao, mag-order na tayo."
Na tulala si Qiao Anhao at tila na blangko. Nagising siya ng marinig ang sinabi ng kapatid niya. Tinignan niya ito, nagtanong siya, "Uh?"
"Tumigil ka nga sa panaginip mo!" Asar sa kanya ni Qiao Anxia bago tinuro ang menu. "Mag-order ka ng kahit anong gusto mo, ang maglilibre ngayon ang Best Screen Actor Lu!"
Ililibre ni Lu Jinnian si Qiao Anxia?
Bahagyang sumulyap si Qiao Anhao kay Lu Jinnian, nasa harap niya ngayon bago binaba agad ang mata. Naging kamao ang mga kamay niya, magulo ang puso niya. Nag-order siya ng 2 vegetable dishes.
Hindi na siya pinilit pang mag-order ni Qiao Anxia. Bagkus kinuha nito ang menu att nag-order ng ilang signature dishes. Panghuli, nag-order siya ng freshly squeezed orange juice.
Wala pang 10 minuto halos nasa hapag na ang pagkain nila. Kinuha ni Qiao Anxia ang chopsticks, kumain. Nang makita niya na walang kinakain si Qiao Anhao binigyan niya ito ng manok sa mangkok. "Yung hinanda nilang manok galing sa farm yun. Organic na at masarap pa."
Pilit ngumiti si Qiao Anhao at nagsimulang kumain.
Kung sina Lu Jinnian at Qiao Anhao lang, tahimik ang buong kain nila pero dahil kasama si Qiao Anxia. Hindi ito naging tahimik.
Tahimik lang naka upo si Qiao Anhao sa isang gilid. Wala siyang gana kumain at mabagal kumain.
Relaxed lang si Lu Jinnian. Wala itong masyadong sinabi pero minsan sumagot ito ito kay Qiao Anxia ng "uhm" na tunog. Tuwing sasagot, tinataas niya ang kanyang ulo at susulyap kay Qiao Anhao.