Sa wakas ay nasa huling mga yugto na rin ang Challenger League ng taong ito. Dalawang araw matapos ang labanang naganap sa pagitan ng Team Jade Dynasty, at Team Happy ay deretsahan tinungo ng mga taga-midya ang Happy dahil gustong-gusto nilang makapanayam si Ye Xiu.
Ito ay dahil sa finals ng Challenger League, ang mangyayaring labanan para sa finals na ito ay isang labanan sa pagitan ng nakaraang Team Captain ng Team Excellent Era at ang Team Excellent Era mismo.
Lalabanan nila ang isa't-isa para sa karapatang makaakyat sa Alliance. Dahil ito'y isang pambihirang usapan. Isinantabi na muna nilang lahat ang mga usap-usapang nagaganap sa kasalukuyang Professional Alliance.
Sa kasagsagan ng mga usap-usapang ito ay naging matunog ang pambihirang lakas na ipinakita ng Team Happy sa kanilang mga labanan. Dahil dito ay nagbukas ang isang posibilidad na inaakala ng lahat na kahit kailanman ay hindi mangyayari sa labanang ito.
