Ang manlalarong nagsalita ay ang Cleric ng Team Jade Dynasty na si Lu Shilin. Si Xiao Jie mismo ang nag-alok sa manlalarong ito na sumali sa Team. Kasi naman, para sa mga mata ni Xiao Jie, masyadong malaki ang potensyal ng manlalarong ito.
Dahil diyan ay sa mga panahong binili na niya ang Team Jade Dynasty, pinasok niya sa Team si Lu Shilin. Si Lu Shilin ay isang taong maituturing na isa sa mga taong nasa ilalim ng kaniyang direktang pamamahala.
Noong una ay si Lu Shilin sana ang mamamahala sa buong Team Jade Dynasty bilang ang Team Captain, pero dahil hindi isang hangal si Xiao Jie at alam niya ang katotohanan na hindi sapat ang lakas ng isang indibidwal lamang para kumbinsihin ang nakararami, hindi na niya ito ginawa.
Dahil dito ay si Lin Yi pa rin ang Team Captain ng Team Jade Dynasty. Bukod pa diyan ay hiningi pa ni Xiao Jie ang tulong ng nakaraang Team Captain ng Team na si Zhang Jian para tumulong sa kanila.
