Matapos makita ang mga kinakabahang galawan ni Luo Tian. Muntik nang mapasugod si Zhang Yiwei sa entablado para masapak ang walang kwentang lalakeng 'yun. Nasa kalagitnaan ka ng isang labanan, kaya bakit hindi ka nag-iingat?!
Sa totoo lang ay hindi naman talaga basta-basta nawawala na lamang ang pasensya ng isang tao. Ang pasensya ay dahan-dahang nawawala. Hindi bukod tangi tungkol sa katotohanang ito si Luo Tian, at ang mga manonood rin ay hindi bukod tangi, kasama na si Zhang Yiwei.
Kung naging pasensyoso siya simula noong una hanggang ngayon ay kanina pa sana niya malalaman ang kakaibang galawan ni Luo Tian. Hindi kagaya ngayon na bigla-bigla na lamang niyang nakita ang mga kakaibang ginagawa ni Luo Tian.
Biglang nagbago ang bumabakas na hitsura sa mukha ni Zhang Yiwei. Sa mga sandaling sisigaw na sana siya sa gulat ay umaksyon na rin sa wakas ang Deception ni Mo Fan.
Ninjutsu – Disappearing Body Technique!
