Lahat ng mga manlalaro ng Team Everlasting, kasama na si He An na nagbigay ng plano na ito sa Qi Master na si Heavenly Rage ay walang masabi matapos makita ang lahat ng ito.
Mentalidad. Ito ay isyu sa mentalidad ng dalawang manlalaro. Sa mga sandaling hindi mo na kontrolado ang iyong mga iniisip ay maaring hindi mo na malaman ang mga susunod mong gagawin.
Isang halimbawa na dito ang ginawang paglikha ng Qi Master sa kaniyang stratehiya. Nahinuha niya na bilang isang unspecialized ay maaring atakihin siya ni Lord Grim mula sa malayo kaya sinubukan niyang isagawa ang kaniyang plano sa tulong ng impormasyong 'yun.
Gayunpaman, naging masyadong makitid ang kaniyang pananaw tungkol sa stratehiyang ito dahil sa mga sandaling nasa kaniyang harapan na ang kaniyang kalaban ay hinintay pa rin siyang atakihin siya ng kaniyang kalaban imbis na siya na ang umatake.
