Ang unlad ng abilidad ni Tang Rou sa pagpapasiya habang siya ay nasa kalagitnaan ng labanan ay nagpapakita na ng senyales na siya'y malapit nang maging isang ganap na propesyonal na manlalaro.
Hindi lang ang Team Everlasting ang nagulat sa ginawang pagpapasiya ni Tang Rou, kahit na ang kasamahan mismo ni Tang Rou na sina Ye Xiu ay nagulat.
Nagbago na ang pakiramdam ng mga manonood sa mga sandaling ito. Pero naging matatag pa rin ang puso ni Soft Mist, at kalmado. Pero ngayon ay nagsisimula ng kabahan ang buong Team Everlasting.
Syempre, hindi maaring magawa ni Tang Rou ang isang pambihirang galawan na kagaya ng Vanishing Step, pero sa pamamagitan lamang ng mga ordinaryong mabibilis na galawan ay dalawang beses na hindi nagawang manlaban ni Heavenly Rage!
Matapos mabasag ang paniniwala nila sa kalamangan ng kanilang karakter sa labanang ito ay nabasag na rin ang kalamangang nararamdaman nila tungkol sa kanilang lakas.
